Popular Bible Verses from Maarko 10

Share

Kuɓkiŋ ɓoyi sah, hayɗi ne a raak surga, a hay ne a nik surga te a eɗoh kipes kiŋ ɗe ne a tos ɓo' laayiɗ. »

Yeesu marakka ɓa, woosa ne : « Ineem wooñiɗ ɓo' waaye raakɗi ini wooñ Kooh. »

Yeesu woosa ɗe ne : « Kaɗa, kosi fu kos wirɗiɗ ɗa. » Jaarra fuulɗa hoteeɗa, a taambiɗta Yeesu.

Kon, ini Kooh ambsoh, ɓo' kinaata saɓsoh. »

Yeesu marakka ɗe, waaɗta ɗe ŋ ɗooƴ ce, a woosa ɗe ne : « Wa in yino dong weɗ fu taskoh. Toona in ci fu raak jen, fu eɗ ca ñakiɗ ci ; fu hey raake alal ŋ Eel ci. Ƴut ɗah, fu hay, fu ñaakiɗ to. »

Yeesu meekissa ɗe ne : « Fu waaɗ ne ŋ haɓɗiɗ ɗa ye ? » A loffa ɗe ne : « Rabbuuni (jangɗohohiŋ ngo), ŋ waaɗ ne fu tum po has ciŋ ngo min hot ! »

Waaye wa nikohɗi ɗaa nga ɗu, ɓo' nu waaɗ nik ɓo' yakak nga ɗu ɗah, a teyɗukaat nik surgaaniŋ ɗu.

Ñam na woyee ɗu wa te wa keeh, ɓo' nu teyɗukɗi Nguuriŋ-Kooh findi komaaki ƴin ɗah, a aasanɗi nga muk. »

Laayiɗ ŋ ɓi adug woti, ɓeɗ mirndohan, te laayiɗ ŋ ɓi mirndoh woti, ɓeɗ adgan. »

waaye ŋ cambohaana, wa Kooh na fere Adina, a fer ɓa ƴaar na ɓitiɓ, weɗ tah ƴaar hey saɓsukohe na yaay na baab, a ŋoɗ ŋ ɓitiice, ɓa nik faan yino. Teemb ndeem, ɓa nikisɗi kanak ɓa faan yino kotii.