Popular Bible Verses from Maarko 9

Share

Yeesu loffa ɗe ne : « Ŋ min in nga ɗah i ? Raakɗi ini minukɗi ngaŋ ɓoyi kos. »

Jaarra baab ɓi kuɓka woosa ŋ ɗafka ne : « Ŋ kosiɗ ! Ɓaatɗoh ho ŋ ini tas ŋ kosi ŋ kos ! »

Wa Yeesu aas kahna, taalubeeciŋ ɗe ɗaayya na ɗe, ɓa meekissa ɗe ne : « Wa ye tah po ɓoo minɗi aañ jiinnda ? » A loffa ɓa ne : « Jiini mand na yeem, a kiim Kooh dong na tahee ɗe coot. »

Meɗa, wa in baahiɗ, waaye meɗa kaɗ po wa jemisɗi ɗah, wa min jemɗohissu na ye ? Raakaat meɗa ŋ ɗooƴ ɗu te ɗu pesohee jam ŋ harmban ɗu. »

« Ɓo' nu teyɗuk njaanjii saguuso ɗah, a teyɗuk ko. Ɓo' nu teyɗuk ko ɗah, fu teyɗuk ko haa, fu teyɗuk Yi woos so. »

Ɓo' nu on ɗu pot masuɓ ne ɗu an sagu ɓaahi ɗu ɓaah ŋ Mucɗohi Gapohse ɗah, ñam na woyee ɗu wa te wa keeh, ɓoyeem ñakanɗi aafu nga.

Waaye yaa nu bakaaɗɗukoh yino ŋ komaakci ƴin ci kos so ɓii ɗah, ini hee ngisohe nga ɗe, weɗ ne a toku atoh ɓitiɗ ŋ mbooh, a njafu ŋ cookma.

Te hasiŋ ɗa waaɗ ɗa ɓek ŋ bakaaɗ ɗah, luhtaa ; laam fu aas ŋ Nguuriŋ-Kooh na has yino, weɗ ngisoh fu njafu na has ciŋ ɗa kanak ci ŋ yongkaaha yakka.