Popular Bible Verses from Chɔɔn 11

Share

Wɛ̀ Jusu la̍a̍ dě ɔ̍ we̍, “Mɔ̍ bo ɔ̀ nu̍-e wlǔh-ɛ ke feɛ. Nyɔ̍ jɔ gbaɛ-a ǐn wlùh-ɛ, pò ɔ̍ jɛ mɛ̌-ɛ, jɛ nɛ̀ ɔ̍ mu̍ kmɔ̌ nɛ. Nɛ̀ nyɔ̍ jɔ tè-a kmɔ̌ i̍ wɛ̀ ɔ̀ gbaɛ-a ǐn wlùh-ɛ, ɔ̍ se̍ gba̍ mɛ̌. Ìn po̍ ɛ̀ la tìh chɛ̀ ae?”

Jusu la̍a̍ dě ɔ̍ we̍, “Ǐn se̍ ìn wlùh sèàɛ̍, ǐn se̍ la̍ pò ìn blě wlùh gbaɛ-ɛ, nɛ̀ àn mu̍ Nyɔsoa-a tìh-a i̍ bɛ̌-ɛ jě ae?”

Iě Jusu fìn.

Ti̍ Jusu wɔ̌n-a pɔ̀n la-ɛ, iě ɔ̍ la̍a̍, “Ɔ̍ wɛ̌ la mɛ̌ɛ se̍ ɛ̍ dlǔ i̍ chlà mu̍. Ɛ̍ nu̍ ɛ̍ sǔh wɛ̀ Nyɔsoa-a nynɛ̌ iě i̍ bɛ̌. Dě ɛ̍ di̍i̍ bo Nyɔsoa-a Jǔ-a mu̍ nynɛ̌ jě-e.”

Ɔ̍ wɔ̀-a ɛ̀ la wlu-ɛɛ, iě ɔ̍ plǎn, ɔ̍ la̍a̍, “Laaslɔɛ, ji̍ sɔ̀n sǐ.” Laaslɔɛ ɔ̀ mɛ̌-a de-ɛ, wɛ̀ ɔ̍ sǐ sɔ̀n. Nɛ̀ jlii̍ u̍h po̍-a ɔ̍-ɛ, nɛ̀ i̍h pìàɛ̍n ɔ̍ dlǔ i̍, ɛ̍ ke ɔ̍ ja̍i̍ ke̍. Wɛ̀ Jusu la̍a̍, “Mɔ̀ sà i̍h ɔ̍ ja̍i̍ ɔ̍ iě mu̍.”

Sɔ ɛ̍ nu̍ Jusu-a wlùh-a wàànwààn dɛ, iě ɔ̍ mu̍ dǒ gbàlɔ̍ biě-a chɛ̀ wɔ̍i̍n. Wɔ̍ bo iě u̍h kaɛn ɛ̍ sɔɔ̌ wɔ̍i̍n.

Ɔ̍ wɔ̀-a dɛ̍ la wlu-ɛ, iě ɔ̍ la̍a̍, “À ba̍ Laaslɔɛ gbǎ nyinɔ̍ i̍, jɛ ǎn mu̍ mu̍ iě ɔ̍ kɛ̍n i̍ bla̍.”