Popular Bible Verses from Chɔɔn 12

Share

Nyɔ̍-o-nyɔ̍ ɔ̀ pɔ̀n-a ǐn jǔ dbee-ɛ i̍-ɛ, nɛ̀ ɔ̍ kɔn ɔ̍ iě dǒ ǐn de̍e̍ gbǎ. Wɛ̀ tà ǐn nɛ-aɛ, ǎn pòi̍ju iě-o nɛ ke. Nyɔ̍ ɔ̀ mu̍-a ǐn jǔ dbee-ɛ, ǐn Baa-a mu̍ ɔ̍ ja̍ tè.

Nyɔ̍ jɔ kma-a ɔ̍ feɛ tìh-ɛ, nɛ̀ ɔ̍ mu̍ ɛ̍ mǎ-ɛ. Nɛ̀ nyɔ̍ jɔ mu̍-a ɔ̍ feɛ-ɛ faɛn da̍a kmɔ̌ la we̍-ɛ, nɛ̀ ɔ̍ mu̍ ɛ̍ blě dǒ kmɔ̌ sie feɛ we̍.

Tìh-a taǐn ǎn sèàɛ̍ mɔ̀ wlùh, ti̍ ìn se̍-a kwǐ kɛnɛ̌-a jɔɛ̍ dě wlù po̍ ke̍-ɛ, dǒ ɛ̍ nɛ-ɛ due sǔh. Jɛ pò ìn po̍ ɛ̍ dě wlù-ɛ, nɛ̀ ɛ̍ mɛ̌-ɛ. Pò ɛ̍ mɛ̌ wɛ̀-ɛ, iě ɛ̍ tlo jɔ̌ dɔu.

Ǐn ji̍ nɔ̌ kmɔ̌ we̍ ka sɔ̀npli-ɛ, wɛ̀ nyɔ̍ ùh gbaɛ-a ǐn wlùh-ɛ u̍h-u je̍e dě kwile di̍i̍ sie.

Pò nyɔ̍-o-nyɔ̍ wɔ̌n ǎn wlu̍ wɛ̀ ɔ̍ se̍ ɛ̍ nu̍-ɛ, ǐn se̍ ɔ̍ tìh gbɛ̍n-ɛ mu̍. Dɛ̍nu̍ɛ, ǐn se̍ ji̍ iě kmɔ̌ tìh gbɛ̍n-ɛ, jɛ ǐn ji̍-i wɛ̀ iě ɛ̍ sèìe.

Wɛ̀ nɔ̌ chlǎn wlihwlǐh ɛ̀ gbǎ-a dɛ̍kɛ̍n-ɛ, iě Mɛle dǔ ɛ̍ sòlɛ̀ gbàǐ-i. Tu̍ ɛ̀ u̍h nui-a chlǎn-a chɛ̀-ɛ, u̍h-a dǎɛ ɛ̍ naa. Iě ɔ̍ tli̍ chlǎn laa̍ Jusu-a bu̍hᵻ ja̍i̍. Wɛ̀ ɔ̍ nu̍ ɔ̍ mǐ iě ɔ̍ slǎn i̍h ja̍i̍. Iě dě gbò-a chɛ̀ jǐ dǒ ɛ̍ nɔ̌ we̍.

Wɛ̀ u̍h dǔ ju̍hᵻ wlɔ̍nᵻɛ́, iě u̍h blě i̍ wǐi-ɛ u̍h-a mu̍ ɔ̍ i̍ jǎɛ la̍. U̍h la̍a̍, “Nyɔsoa bo ɔ̀ nu̍ tìhwe̍ po̍ nyɔ̍. Eslɔɛ nyɔ̍-a Blǔh Baa ɔ̀ ji̍-a dǒ Joi-a nynɛ̌ kɛ̍n-ɛ, pɔ̀ìě dǒ ɔ̍ we̍.”

Wɛ̀ Jusu la̍a̍ dě u̍h we̍, “Jɛwɛ̀ ti̍ nyni̍-o wɛ̀ Nyi̍ɔ̍-a Jǔ-a nynɛ̌ iě i̍ bɛ̌.