Popular Bible Verses from Rkaa̱ 7

Share

Kuíni nga bo̱a̱ xianñaa nga ndatsi kjín má jeé, jè kiniꞌánjetakoón, ngatꞌa̱ achichí ꞌniú katsꞌéntjó, ta̱nga kui xota̱ xi chiboa niꞌánjetakoón, chiboa tsí tsꞌéntjó. Kó Kjisoo̱, bi̱ katsoó kui naa̱: –Ji chjo̱on jée̱ jè kiniꞌánjetakoón.

Kó Kjisoo̱, bi̱ katsó ngasee̱ kui naa̱: –Ta̱ngatꞌanii̱ kjo̱a̱sꞌijìi̱n, kuíni nga je jatjoꞌa ji, tꞌen xió xió ji ꞌne̱.

kó kisꞌijñando tꞌa se Kjisoo̱, askjandá, sꞌe̱ ítsꞌi̱yanii̱ nga ndándyíko̱n aniéjónni sé Kjisoo̱, kó tsja̱to̱ko̱ katsꞌénxíjónni, sꞌe̱ atíndsoꞌá sé, kósꞌe̱ katsangijon ndásíjee̱n.

kuíni nga ngaskande kamájín nga án má xi kijíkjaꞌaa̱, ta̱nga ndókjo̱e̱ ji ngo én, kó ka̱mandaya moso̱na. Ngatꞌa̱ ti̱ bo̱a̱ ti̱ tsꞌén án, ti̱ tjínna ngo ngito̱ko̱ xi botixómána, kó ti̱ tjínna jájún xi botixomáa̱, kó tsi bi̱ xiáa̱n xi̱ꞌbi̱: Tꞌen ji, kó ko̱e̱je̱, kó tsi kje̱ꞌe xí ja̱bíꞌi̱n xiáa̱n, kó kji̱ndi̱bá, kó kjiꞌanga moso̱na tsangiya an nga sa̱ꞌín ngo ni, tsꞌénkjátjosónna. Nga tsintꞌié kuí nii̱ Kjisoo̱, achichí kijíndikoón, kó askotsijee̱n xota̱ xi yajángií, kó bi̱ katsoó: –Ja̱koxi̱ ni xi xiánjnúꞌun nga kji̱e̱ ngo nda̱ sakóna kꞌi̱e̱ Israee̱l, xi bi̱ tsꞌén ꞌniú sꞌijii̱n.

Ti̱ kuii̱ chi̱bo̱a̱ Kjisoo̱ achichí má xota̱ xi katsꞌéndaya chiꞌin xi tjiín, ko̱jo xi kjo̱a̱ni̱ma̱ ndyi̱foaꞌatio, kó tsꞌaxié a̱siénni̱xtjin xi ndajín xi tjíjii̱n xotaa̱, kó kjín má xota̱ xi ti̱ka̱ xi katsꞌéntsijee̱n. Kó Kjisoo̱, bi̱ katsoó kui jaá: –Tangínjnú, kó tꞌíyájnúu̱ Juaa̱ ni xi je kamáyàjnú, ko̱jo ni xi je kandaꞌyájnú, tꞌíni̱jmìjnúu̱ nga xi ti̱ka̱a̱ je kamátsijee̱n, ko̱jo nga xi ni̱ma̱ see̱ je ma fí, ko̱jo nga xi tjiín chiꞌin xi tsꞌénkjátsón tji̱xin yojoná je kamándaya, ko̱jo nga xi xtiyaa̱ je tsintꞌié, ko̱jo nga xi kꞌiee̱n je jaꞌáꞌyaá, ko̱jo nga xota̱ ni̱ma̱a̱ je tjíꞌmíyaá éntjatsi̱e̱e̱ Néná.