Popular Bible Verses from Rkaa̱ 6

Share

Te̱ꞌéjnúu̱ ni xi ka̱machjieén ngo xota̱, kó Néná tsja̱ajnú ni xi ka̱machjiénjnú jún. Tsja̱ajnú ngo stsa chi̱bo̱a̱ xi sꞌi̱kitsie má nga ꞌniú xi̱ndyiá. Ngatꞌa̱ ti̱ kuii̱ yáchi̱bo̱a̱ xi si̱ꞌankjiénjnú nga xꞌi̱chi̱bo̱a̱jnú, ti̱ kuii̱ xi sa̱ꞌínkjién Néná nga kꞌo̱chi̱bo̱a̱jojnú jún.

Nda̱ xi ndaa̱, ni xi nda ꞌboxié xi tikónjii̱n ngi̱jin ini̱ma̱a̱, kó nda̱ xi ndajiín, ni xi ndajín ꞌboxié xi tikónjii̱n ngi̱jin ini̱ma̱a̱. Ngatꞌa̱ ni tsie xi tjíjii̱n ngi̱jin ini̱ma̱a̱ xotaa̱, kuí ni xi chji̱a̱ tsꞌoa.

Ta̱nga jún chjiéngá si̱ꞌantjójnú kondra̱jnú, kó nda ti̱ꞌanjo̱jnú, kó ti̱ꞌankíyájnúu̱ ngo ni, nga jmí tsi xchiyàjnúu̱ nga kje̱ꞌe ni ko̱e̱ꞌé nginíjnú, kó bo̱a̱ tsꞌén nga sa̱kójnú ngo kjo̱a̱nda xi ꞌniú je, kó jún, ndií Néná xí tikón ndiꞌakꞌajmi jàn ka̱majnú, kui Néná xí nda tsꞌénjo̱ xota̱ xi bejín ni xi nda niꞌánjo̱, ko̱jo xota̱ xi ndajín ndyi̱tsꞌèn.

Chjiéngá ni̱ma̱takón ngatamajnú, xikótsꞌèn ni̱ma̱ maa̱ Na̱ꞌmijnú.

Ngata̱ fongitaꞌínjínjnú jé ngo xota̱, tsi̱ꞌe̱ nga Néná ko̱óngitaꞌínjínjnú ngo jé. Ti̱ꞌanjetakónjnúu̱ xingi̱jnú, kó Néná sa̱ꞌínjetakónjnú jún.

Ta̱nga jún xi ndyi̱ndaꞌyájnúꞌun, bi̱ xiánjnúꞌun: Tjó ti̱ꞌánjnú xota̱ xi kondra̱jnú, nda ti̱ꞌanjo̱jnú xota̱ xi chꞌoo̱ jún, ti̱ꞌanchikonñéjnú xota̱ xi chꞌo tjítsójnú, chji̱a̱ꞌatjejnú xota̱ xi ku̱i̱chji̱a̱taꞌinjnú.

Xikó tsꞌén mejénjnú nga si̱ꞌanjo̱jnú jún, bo̱a̱ ti̱ ti̱ꞌanjo̱jnú xota̱ xi kje̱ꞌe nga.

Tsi tjín xí ko̱tꞌa ngo tꞌanijin, te̱ꞌée̱ nga ko̱tꞌa xi ingoo̱ nga, kó tsi tjín xí kjo̱a̱ꞌáxiín ńjño xi kjitꞌa nga̱xten, te̱ꞌée̱ chi̱ngàa̱ nga. Ta̱ ꞌyání xi ku̱i̱ꞌaa̱ ngo ni, te̱ꞌée̱, kó tsi tjín xí kjo̱a̱ꞌáxiín ni xi tse̱, ngata̱ chjiéꞌéjíi̱n nga tsja̱ꞌóyá nginií.

Ngojín yá xí nda, xi to xi ndajín ko̱a̱ja̱a̱, ti̱nde ngojín yá xí ndajín, xi to xi nda ko̱a̱ja̱a̱.

Ngatꞌa̱ nga ngo nga ngo yaá ya kjo̱a̱a̱ to xi tsjá, ngatꞌa̱ ngojín yá ndaꞌyá xi toꞌingo̱ ko̱a̱ja̱a̱, ti̱nde ngojín yá sarsa̱ xi tostsi̱jè ko̱a̱ja̱a̱.