Popular Bible Verses from Ukusōka 3

Share

Kyala alimmbūlịle Mose ātịle. UNE JOUNE UJU ALỊKO. Alinkummbūla alinkuti: Bo ukajege ku abany'Ịsịlaelị ukatigi: JOUNE āndumịle kumyinụ.

Po papo umwene alinkuti: Ngujaga nanụngwe; iki kịkujaga kyo kimanyịlo kya kumanyịlamo ukuti ngutumịle une: Bo ubasōsị̄sye abāndu mw'Egịpịtị, kwịsakummbōmbelaga Kyala pa kyamba iki.

Po papo alinkujoba alinkuti: Ungasegelelaga; fụ̄la ifịlato fyako mmalūndi, papo ubujo ubo gwimịlepo bujo bwịkemo.

Lelo UNTWA alinkuti: Nkubwene ukukubilwa kwa bāndu bāngu mw'Egịpịtị, mbilị̄ke ni ngụ̄to jābo ukulōnda ukuti mbapoke kuli aba bịkubimilila nukubatāmnya fị̄jo. Nsịmenye ingubilo syabo syosa. Lelo nsụlwịke kukubapoka kukiboko kya Begịpịtị, ukuti mbasōsyemo nkị̄su kila mbatwale kukị̄su ikyamboto ikyelēfụ ikya lukama ulwịngị nulūkị ulwịngị, kukị̄su iki lilino balịmo Abakananị na Bahịtị, na Bamolị na Bapelịsị, na Bahịfị, na Bajebusị.

Kula kula ko ugwandumị gwa Kyala alinkunsetukila ndulapi lwa moto ukufụmila pakati pa kisyanju; alinkukēta alinkwaga ikisyanju kikwaka, lolị kitịkupya.

Lelo nikukutuma ugwe kwa Falao ukuti ukabasōsyemo abāndu bangu, abany'Ịsịlaelị, mw'Egịpịtị.