Popular Bible Verses from Ukusōka 2

Share

Kyala alinkwenda nukupilika ingụ̄to jābo alinkukumbuka lōpe nulufị̄ngo ulu āfị̄ngịle na Abụlahamụ, na Ịsịhaka na Jakobụ. Kyala alinkukētako kubany'Ịsịlaelị alinkwenda nukusyaganịa ingubilo syabo alinkubapākisya.

Kunyụma bo fịkīndịle ifyinja fịngị umalafyale gwa Egịpịtị alinkwenda nukufwa lọli abany'Ịsịlaelị balinkuja mụ ndukubilo lwabo lwa butumwa, balinkulila, balinkukụ̄ta ingụ̄to jilinkwakufịka kwa Kyala.

Umwana alinkwenda nukukula, uju ammongesyaga jula alinkuntwalila umwana gwa Falao unndīndwana jula jula, po papo alinkwịpela ukuja mwanake, alinkumpa ingamụ ija Mose, kokuti: Numfyulịle mmisi.

Po lelo Unsyala ātịle: Ummwege umwana uju ukaswililege, nisakukufwika umfwalo kunōngwa ja kūswilila umwana uju. Alinkwenda nukummwega alinkwakunswila.

Lelo po papo unsyala umwana gwa Falao unndīndwana alinkusụlụka ukubūka kulwisi kukōga, lelo bo abalindwana aba bēndaga nagwe bịkwenda kumbali kulwisi, alinkukibona ikị̄bo nkigugu alinkuntuma unndīndwana jumo ukwakummwegela ikị̄bo.

Ilịsịku limo, bo Mose akulịle alinkubūka kukubakēta abakamụ kuno babōmbaga imbōmbo ingafụ; po papo alinkummbona umw'Egịpịtị jumo ịkunkoma Unhịbuli, ugwa nkikolo kyake Mose. Mose ạkelengenịe kosa, bo āgịle atịkummbona najumo enda nukunngoga umw'Egịpịtị jula ansyila mụnsanga.