Popular Bible Verses from Yohani 14

Share

Nɨkʉvapeela ʉlʉtengaano lwango. Ʉlʉtengaano ʉlʉ lʉno nɨkʉvapeela, nalʉlɨ ndavʉle lʉno luhʉma kʉ vaanhu ava mʉ ɨɨsi. Namʉngapumukaghe mʉ moojo ghiinu, nambe kukwoghopa kɨmonga.

ɄYesu akamwamʉla akati, “Ʉne neene sɨla, neene vwakyangʼhaani, kange neene vwʉmi. Nakwale jʉno ifika kwa Nhaata kɨsila kʉkilila kʉlyʉne.

ɄYesu akavavʉʉla avavʉlanɨsɨvua vaake akati, “Namʉngasaghaghe mʉ moojo ghiinu. Mʉmwɨtɨkaghe ʉNgʉlʉve, mʉnyɨtɨkaghe na jʉʉne.

neke ʉNtangɨli ʉjuo, ʉMhepo ʉMwɨmɨke jʉno ʉNhaata ɨkʉnsuungʼha mʉ lɨtavua lyango, ghwe ɨkʉvavʉlanɨsyagha na kʉkʉvakʉmbʉsia sooni sino nɨvavʉlile.

Ʉmuunhu jʉno ikwʉpɨla indaghɨlo sango na kʉkʉsivɨngɨlɨla, ʉjuo ghwe jʉno anganile. Jʉno anganile, ghwope ʉNhaata ɨkʉmʉghana ʉmwene. Na jʉʉne nɨkʉmʉghana na kukuhʉfia kwa mwene.”

Pe na jʉʉne nɨkʉnsʉʉma ʉNhaata, ghwope ɨkʉvapeela ʉNtangɨli ʉjʉnge, ikalaghe numue ifighono fyoni. ɄNtangɨli ʉjuo ghwe Mhepo jʉno ihʉfia ʉvwakyangʼhaani. Neke avaanhu vano navikʉmwɨtɨka ʉNgʉlʉve navangamwʉpɨle ʉMhepo ʉjuo, ʉlwakʉva navikʉmwagha, kange navankagwile. Looli ʉmue mʉnkagwile ʉlwakʉva ikukala numue, kange iiva nkate mʉlyʉmue.

Mʉngasʉʉme kɨmonga mʉ lɨtavua lyango, nivomba. Mʉ ʉluo, nihʉfia ʉvʉvaha vwa Nhaata. Mʉngasʉʉme kɨmonga mʉ lɨtavua lyango, nivomba.”

ɄYesu akavavʉʉla avavʉlanɨsɨvua vaake akati, “Nave mʉnganile, muvɨngɨlɨlagha indaghɨlo sango.

Ʉvukalo kwa Nhaata ghwango vweleefu, vwale vʉleke kuuva vweleefu, nanaale nɨkʉvavʉʉla kuuti nilʉta kʉkʉvalɨngʼhanɨkɨsia ʉvukalo.

Nɨngalʉte kʉkʉvalɨngʼhanɨkɨsia ʉvukalo, nigomoka kʉkʉvatoola, neke pano pwenɨlɨ ʉne na jʉmue pwemʉvisaghe.

ɄTomasi akati kwa Yesu, “Ghwe Mʉtwa, ʉsue natʉkagwile kʉno ghulʉta. Lɨno, ndepoonu tʉkʉjɨkagʉla ndaani ɨsɨla?”