Popular Bible Verses from Mateo 19

Share

Jesustaj paykunata qhawarispa, nerqa: Runapajqa chay mana atikunchu, Diostajrí tukuy imata ruwayta atin, nispa.

Ajinapeqa manaña iskaychu kanku, manachayrí ujllaña. Chayrayku, Diospa ujchasqantaqa ama pipis t'aqachunchu, nispa.

Jesustaj kuticherqa: Manachu Diospa Qhelqachisqanpi ñawirerqankichej, imaynatachus kay pachata ruwaj Diosqa qallariypi qharitawan, warmitawan ruwasqanta? Chayrayku qhareqa tatanta, mamanta ima saqespa, warminwan khuskachakapun. Iskayninkutaj uj runa jinallaña kanku.

Jesustajrí yachachisqankunata nerqa: Wawakuna noqaman jamojta saqellaychej, amataj jark'aychejchu, imaraykuchus kay wawakuna jina kajkunalla Diospa janaj pacha kamachiyninman yaykonqanku, nispa.

Chaywanpis pikunachus kunan jatunpaj qhawasqa kanku, chaykunaqa qhepaman pisipaj qhawasqa kanqanku. Pikunachus kunan pisipaj qhawasqa kajkunarí, chay p'unchaypi jatunpaj qhawasqa kanqanku, nispa.

Pillapis noqata qhatinawanrayku wasinta saqerparin, wawqenkunata, panankunata, chayrí tatanta, mamanta, warminta, jinallataj wawankunata, jallp'ankunata ima, chay runamanqa Dios pachaj kutita qoponqa, chay runataj wiñay kawsayniyoj kanqa.

Chantá Jesús payta nerqa: Sichus maychus kajta Diospa munayninta junt'ayta munanki chayqa, tukuy kapuyniykita vendemuspa, wajchakunaman chay qolqeta rak'iray. Ajinamanta janaj pachapi tukuy imayoj kanki. Chaymantataj kutimuspa, yachachisqay kanaykipaj noqata qhatiway, nispa.

Jesustaj kuticherqa: Imaraykutaj allin kajmanta tapuwankiri? Mana pipis allin kanchu, manachayqa Dioslla. Sichus paypa kamachiyninman yaykuyta munanki chayrí, Diospa tukuy kamachisqankunata junt'ay, nispa.

Ujtawan niykichej: Astawanqa camelloraj yarwej ninrinta yaykuyta atinman, Diospa kamachiyninman qhapaj runa yaykunanmantaqa, nispa.

Chayrayku niykichej: Sichus pipis warminmanta t'aqakun mana pay wajwan wasanchaspa khuchichakojtillan, sitajchus waj warmiwan casarakun chayqa, chay runaqa khuchichakuspa qhenchachakun, nispa.

Chantá Jesús yachachisqankunata nerqa: Kayta sut'ita niykichej: Qhapaj runaqa ñak'ayllata Diospa janaj pacha kamachiyninman yaykonqa.