Popular Bible Verses from Mateo 18

Share

Maypichá iskay, chayrí kinsa, noqaj sutiypi tantakunkichej chaypi noqa qankunawan kasaj, nispa. Ajinata Jesús nerqa.

Kaytapis nillaykichejtaj: Sichus qankunamanta iskay ukhu kay pachapi uj sonqolla kawajchej Diosmanta imatapis mañakunaykichejpaj chayqa, janaj pachapi kashaj Tata Diosneyqa imatachus mañakusqaykichejta qosonqachej.

Chantá Jesús uj wawata wajyaspa, paykunaj chawpinkuman sayaykucherqa, nerqataj: Kayta sut'ita niykichej: Diosman kutirikunaykichej tiyan kay wawaman jina tukuspa. Manachayqa, Diospa janaj pacha kamachiyninman ni yaykullankichejpischu.

Ajina, sichus pipis kay wawa jina k'umuykukoj sonqoyoj kanman chayqa, Diospa janaj pacha kamachiyninpeqa tukuymanta nisqa aswan kurajpaj qhawasqa kanqa.

Jinallataj pichus sutiypi kay wawa jina kajta jap'ikojqa noqata jap'ikushawan.

Kayta sut'ita niykichej: Imatachus kay pachapi mana ruwanachu, nispa ninkichej chayqa, janaj pachapipis chay nisqaykichej jinallataj kanqa. Imatachus kay pachapi ruwana walejlla, nispa ninkichej chayqa, janaj pachapipis nisqaykichejman jinallataj kanqa, nispa.

Chantá Jesús uyarejkunata nerqa: Kikillantataj qankunatapis janaj pachapi kashaj Tata Diosneyqa ruwasonqachej, manachus wawqeykichejpa juchallisqanta tukuy sonqo pampachankichej chayqa, nispa.

Sichus pipis noqamanta jap'ikoj wawakunamanta ujllatapis juchaman urmachinman chayqa, pay sinch'i jasut'isqa kanqa. Chay juchallichejpajqa aswan allin kanman kunkanman molino rumita wataykuspa, mama qochaman choqaykunankoqa.

Jesús nillarqataj: Qankuna ima ninkichejtaj? Qankunamanta mayqenpis pachaj ovejayoj kaspa, ujnin chinkajtin, manachu chay jisq'on chunka jisq'onniyojta ch'innejpi saqespa, chinkasqa kajta tarinaykichejkama mask'aj riwajchej?