Popular Bible Verses from Mark 5

Share

Cecoc itew anihi iskwewa: “Nitanis, tapwe kit asperimototawin, ekoni wetci ki kikein. Ekoni ici matca, acitc pekaterita. Nama aci ki ka ici arimiparin.”

Takopan neta iskwew, mocak e onitakopanen omikw, mitato acitc nicw tato pipona esko itapinekopanen. Mitcet ki natawapamekopan mackiki iriniwa, aric ki micta nekatcihikokopan, nac kaie e ki tcakinak kaskina ocoriam. Nama aric peikon awocamec ki otci miro pimatisiw. Eckam iti akosipan.

Tecikotc nakapariniw omikw e matcamakanik. Tecikotc kaie kiskeritam aci e kiketc.

Ki otapiniskenew, e tca itatc: “ Talitha koum !” Wi itemakan anihe: “Ickwecic, kit ititin, onicka!”

Mekwata e taci arimwetc Cecoc, aci pe takociniwok atita iriniwok, anihi Jaïrus a omikiwamirik e ki pe ototetcik, e tca itatcik: “Aci ki poni pimatisiw kitanis. Ceckwat kiapatc ki otamihaw anahwe Kiskinohamake iriniw.” Nama aric aniheriw ki otci pamitam Cecoc. Itew anihi Jaïrus a: “Akawir sekisi! Tapwerimici tepirak!”

Wetci itetc aniheriw, osam e ki itikospan Cecoca: “Matci manito, orowicko anahwe iriniw!” Aci itew Cecoc anihi iriniwa: “Tan ni e icinikasoin?” Naskamoriw e iteritci: “Ka mitcetiak nit icinikason. Ni mitcetinan meka.”