Popular Bible Verses from Mark 6

Share

Mekwata mitcetipanak iriniwok. Atita pe takocinipanak, atita matcapanak. Nama tca ickwa aikewok Cecoc kirika owitcewakana kitci ki mitcisotcik. Ekoni wetci itatc: “Petcimotekw, ki ka nantowapatenano wiec ke ki ici arwepiekw.”

Aci itikowok: “Awik ka nikan tipatcimotc kaskina wiec kicterimakaniwiw, nama tepirak otenamik neta ka ki otci pe matcekitc, kaie otcirowemakana nama kicterimiko.”

Ka kapatc Cecoc tcimanik, aci wapatam e mitcetinaniwonik. Ki micta kitimakerimew anahweriw iriniwa, osam kekatc mia e iterimatc mia maritcenicak aka e tatcik ka nanakatcihikotcik. Ekoni e ici iti kiskinohamawatc mitcet kekociciriw.

Nama ki mata kackitapan Cecoc neta otenak, tepirak ki takinew atita ka akosiritci e kikehatc. Ki mamiskateritam aka e asperimototakotc iriniwa neta otenamik. Minawatc nete otenaskak ki pa icaw Cecoc e kiskinohamaketc.

Minawatc Cecoc ki otapinew anihi niaran pakwecikana acitc nicw namesa. Ki itapiw icpimik wakwek, mikwetc e itatc Kice Manitowa. Ki pakwepitew pakwecikana. Minawatc ki mirew owitcewakana kitci papakitinaritci anahweriw iriniwa. Peikon kaie ka ki totawatc namesa. Kaskina kiapatc ki papakitinakaniwiriwa. Tato nta e tacitcik aniki iriniwok kaskina ki mitcisowok nac e miro tipiparitcik. Cecoc owitcewakana ki mawotcitawok ka ki ickonikaterik mitcimiriw. Mitato acitc nicw pakitenakaniw ki mockinetawok.