Popular Bible Verses from Laauc Yaangh 9

Share

Zengc njiec nyei baamh mienh, dongh maiv zuqc wuov deix zeqc naanc daix nyei mienh, maiv goiv hnyouv guangc ganh nyei buoz zoux daaih nyei ga'naaiv. Ninh mbuo corc zaangc mienv fai baaix longc jiem, longc nyaanh, longc dongh, longc la'bieiv, longc ndiangx zoux daaih nyei miuc-fangx, dongh maiv haih mangc duqv buatc, maiv haih muangx duqv haiz yaac maiv haih yangh jauv nyei miuc-fangx. Ninh mbuo maiv goiv hnyouv guangc daix mienh nyei sic, zoux faatv, zoux buangh liouh nyei sic, fai zoux zaqc.

Aengx maaih jopv-nyeic yiem douz-sioux cuotv daaih aengx njiec taux ndau. Jopv-nyeic duqv zipv qaqv hoic mienh hnangv ziepc nyeic ndaangh nyei qaqv nor. Maaih waac hatc ninh mbuo maiv bun hoic miev fai haaix nyungc ga'naaiv-zuangx fai ndiangx. Kungx haih hoic maiv maaih Tin-Hungh nyei yienx nqaapv jienv biorngh wuov deix mienh hnangv.

Da'hmz dauh fin-mienh yietv biomv ninh nyei nzatc, yie buatc norm hleix yiem wuov lungh ndortv njiec ndau. Naaiv norm hleix duqv zipv norm forv-zeih, dongh koi wuov norm ndo haic nyei kuotv nyei forv-zeih.

Jopv-nyeic yaac maiv duqv hoic naaiv deix mienh daic, kungx duqv zeix ninh mbuo biaa hlaax nyieqc hnangv. Mienh zuqc jopv-nyeic zeix se hnangv zuqc ziepc nyeic ndaangh danx wuov nor mun.

Aengx maaih dauh hungh gunv jienv ninh mbuo, se dongh gunv ndo haic wuov norm kuotv nyei fin-mienh. Ninh nyei mbuox, Hipv^lu waac gorngv, Aa^mbatc^ndon. Gikc waac gorngv, Aa^bor^li^yon.