Laauc Yaangh 9

1Da'hmz dauh fin-mienh yietv biomv ninh nyei nzatc, yie buatc norm hleix yiem wuov lungh ndortv njiec ndau. Naaiv norm hleix duqv zipv norm forv-zeih, dongh koi wuov norm ndo haic nyei kuotv#9:1 Maaih mienh hnamv daaih naaiv norm kuotv se yiem ndau-ndiev ndo haic nyei kuotv. Se wuonx mienv nyei dorngx, zuov Tin-Hungh dingc mienv nyei zuiz. nyei forv-zeih. 2Wuov norm hleix koi nqoi kuotv ziouc maaih douz-sioux cutv-cutv nyei cuotv hnangv buov domh! douz cuotv sioux nor. Mba'hnoi caux lungh ziouc hmuangx mingh laaix kuotv cuotv nyei sioux om jienv.#Tin Deic Douh 19:28 3Aengx maaih jopv-nyeic yiem douz-sioux cuotv daaih aengx njiec taux ndau. Jopv-nyeic duqv zipv qaqv hoic mienh hnangv ziepc nyeic ndaangh nyei qaqv nor.#Cuotv I^yipv 10:12-15 4Maaih waac hatc ninh mbuo maiv bun hoic miev fai haaix nyungc ga'naaiv-zuangx fai ndiangx. Kungx haih hoic maiv maaih Tin-Hungh nyei yienx nqaapv jienv biorngh wuov deix mienh hnangv.#E^se^ken 9:4 5Jopv-nyeic yaac maiv duqv hoic naaiv deix mienh daic, kungx duqv zeix ninh mbuo biaa hlaax nyieqc hnangv. Mienh zuqc jopv-nyeic zeix se hnangv zuqc ziepc nyeic ndaangh danx wuov nor mun. 6Wuov deix biaa hlaax nyieqc gu'nyuoz, mienh oix lorz jauv daic yaac lorz maiv duqv, maiv noic duqv daic. Ninh mbuo oix daic haic aqv, mv baac maiv haih daic.#9:6 maiv haih daic Gikc waac gorngv “daic nyei qaqv biaux ninh mbuo”.#Yopv 3:21; Ye^le^mi 8:3

7Naaiv deix jopv-nyeic buatc hnangv zorng jienv mingh mborqv jaax nyei maaz nor. Ninh mbuo nyei m'nqorngv ndongx jienv ga'naaiv buatc hnangv jiem-ningv nor. Ninh mbuo nyei hmien yaac hnangv mienh nyei hmien,#Yo^en 2:4 8mba'biei hnangv m'sieqv dorn nyei mba'biei. Nyaah yaac hnangv sienh nyei nyaah nor.#Yo^en 1:6 9Ninh mbuo nyei la'kuotv maaih nyungc ga'naaiv buang jienv hnangv hlieqv-jaapv nor. Ndaatv yaac mbui hnangv maaz-cie camv nyei tiux mingh mborqv jaax wuov nor mbui.#Yo^en 2:5 10Ninh mbuo maaih dueiv hnangv ziepc nyeic ndaangh nyei dueiv nor, yaac haih danx mienh. Se dongh jopv-nyeic nyei dueiv maaih qaqv hoic mienh biaa hlaax nyieqc gu'nyuoz. 11Aengx maaih dauh hungh gunv jienv ninh mbuo, se dongh gunv ndo haic wuov norm kuotv nyei fin-mienh. Ninh nyei mbuox, Hipv^lu waac gorngv, Aa^mbatc^ndon. Gikc waac gorngv, Aa^bor^li^yon.#9:11 Eix leiz se Mietc mienh wuov dauh.

12Da'yietv nyungc zuqc kouv nyei sic jiex mi'aqv. Nqa'haav aengx maaih i nyungc zuqc kouv nyei sic oix cuotv.

13Da'luoqc dauh fin-mienh yietv biomv ninh nyei nzatc, yie ziouc haiz maaih qiex yiem Tin-Hungh nyei nza'hmien wuov norm buov hung nyei jiem-dieh biei norm gorqv nyei jorng cuotv.#Cuotv I^yipv 30:1-3 14Naaiv nyungc qiex gorngv mbuox da'luoqc dauh fin-mienh, “Oix zuqc bungx nqoi yiem domh Yu^fe^ditc Ndaaih zuqc ndoh jienv wuov deix biei dauh fin-mienh.” 15Naaiv deix biei dauh fin-mienh ziouc duqv bungx nqoi aqv. Ninh mbuo se liuc leiz ziangx liouh jienv taux naaiv norm ziangh hoc, naaiv norm hnoi, naaiv norm hlaax, naaiv norm hnyangx, weic daix baamh mienh buo gouv nyei yietc gouv. 16Yie haiz gorngv geh maaz nyei baeng maaih mbu'ziex dauh. Yietc zungv maaih i waanc-waanc dauh.#9:16 i waanc-waanc se 200,000,000 dauh.

17Yiem naaiv deix hinc yaangh nyei sic yie buatc naaiv deix maaz caux geh maaz nyei baeng hnangv naaiv nor. Baeng nyei la'kuotv maaih hlieqv-jaapv siqv nyei hnangv douz nor, mbuov nyei hnangv mbuov nyei la'bieiv-jaaix, yaac yangh nyei hnangv hungh#9:17-18 hungh se peux fiu wuov nyungc hungh. nor. Maaz nyei m'nqorngv hnangv sienh nyei m'nqorngv yaac maaih douz, maaih douz-sioux, maaih hungh yiem maaz nyei nzuih baengx cuotv. 18Nzuih baengx cuotv daaih nyei douz caux douz-sioux caux hungh zoux buo nyungc zeqc naanc bun baamh mienh zuqc daic buo gouv nyei yietc gouv. 19Naaiv deix maaz nyei qaqv yiem maaz nyei nzuih baengx caux dueiv. Dueiv se hnangv naang nor, yaac maaih m'nqorngv ziouc longc hoic mienh.

20Zengc njiec nyei baamh mienh, dongh maiv zuqc wuov deix zeqc naanc daix nyei mienh, maiv goiv hnyouv guangc ganh nyei buoz zoux daaih nyei ga'naaiv. Ninh mbuo corc zaangc mienv fai baaix longc jiem, longc nyaanh, longc dongh, longc la'bieiv, longc ndiangx zoux daaih nyei miuc-fangx, dongh maiv haih mangc duqv buatc, maiv haih muangx duqv haiz yaac maiv haih yangh jauv nyei miuc-fangx.#Singx Nzung 115:4-7; 135:15-17; Ndaa^ni^en 5:23 21Ninh mbuo maiv goiv hnyouv guangc daix mienh nyei sic, zoux faatv, zoux buangh liouh nyei sic, fai zoux zaqc.

Currently Selected:

Laauc Yaangh 9: IuMiNR

Highlight

Copy