Popular Bible Verses from Laauc Yaangh 8

Share

Ba'gi Yungh Dorn maeqv nqoi da'cietv norm yienx wuov zanc, tin-dorngh sekv nzieqc nyei leih maiv go ndaamv-norm ziangh hoc.

Da'yietv dauh fin-mienh yietv biomv nzatc, maaih borqc caux douz zorpc jienv nziaamv zuqc zoi njiec baamh gen. Ndau-beih caux ndiangx buo gouv nyei yietc gouv buov qui nzengc. Diuh diuh miev-nyiemz yaac buov qui nzengc.

Yie mangc jienv wuov zanc, yie aengx haiz norm domh jaangv yiem gu'nguaaic lungh ndaix jienv mingh, heuc jienv mbui nyei gorngv, “Zuqc kouv aqv! Zuqc kouv aqv! Yiem baamh gen nyei zuangx mienh oix zuqc kouv aqv! Weic zuqc wuov deix buo dauh fin-mienh oix biomv zengc njiec wuov deix buo norm nzatc.”

Da'nyeic dauh fin-mienh yietv biomv nzatc, maaih nyungc ga'naaiv buatc hnangv domh mbong zieqc jienv douz nor, zuqc zoi njiec koiv. Koiv nyei buo gouv nyei yietc gouv benx nziaamv.

Da'faam dauh fin-mienh yietv biomv ninh nyei nzatc, maaih norm domh hleix zieqc jienv hnangv douz-baav nor, yiem lungh ndortv njiec daaih, ndortv zuqc ndaaih buo gouv nyei yietc gouv caux yietc zungv wuom-zingv. Wuov norm hleix nyei mbuox heuc “Yangh Meuz.” Wuom buo gouv nyei yietc gouv ziouc im mi'aqv. Mienh camv nyei hopv zuqc wuov deix wuom ziouc daic mi'aqv, weic zuqc wuom im.

Da'feix dauh fin-mienh yietv biomv ninh nyei nzatc, mba'hnoi buo gouv nyei yietc gouv zuqc mborqv. Hlaax caux hleix buo gouv nyei yietc gouv yaac zuqc mborqv. Mba'hnoi caux hlaax caux hleix nyei njang buo gouv nyei yietc gouv hmuangx mingh. Lungh hnoi zanc buo gouv nyei yietc gouv ziouc maiv njang. Lungh muonz zanc buo gouv nyei yietc gouv yaac maiv njang.