Popular Bible Verses from San Marcos 12

Share

Ha Jesús he'i ichupe: --Pe tuichavéva niko kóva: “Ehendúke Israel, Ñandejára ñane Tupã, Ñandejára peteĩ añónte. Rehayhu vaerã nde Jára Tupãme nde py'aiteguive, ha opaite ne ánga reheve, ha opaite ne arandukue reheve, ha opaite ne mbaretekue reheve.” Kóva ha'e pe Tupã Ñandejára rembiapoukapy tuichavéva. Ha pe mokõiha kóva: “Rehayhu vaerã nde rapichápe nde rejehayhu háicha nde jupe.” Ndaipóri tuichavéva ko'ã mokõigui.

Ha ohenói hemimbo'e kuérape ha he'i ichupe kuéra: --Añetéko ha'e peẽme, pe viuda iporiahuve ramo jepe omoĩ pe ofrenda ryrúpe hetave opavavégui. Opavave omoĩgui pe ichupe kuéra hembývagui, ha'e katu, iporiahumi ramo jepe omoĩmbaite pe oguerekomíva, hembi'u repy rangue jepe.

Ha oguapy hína Jesús pe ofrenda ryru rovái oma'ẽ mba'éichapa umi gente omoĩ plata ipype; ha heta mba'eta rerekoháva omoĩ heta. Ou avei peteĩ viuda poriahu ha omoĩ mokõi plata sa'imi sa'i ovaléva.

Ha pe ichupe jahayhu ñande py'aiteguive, ha opaite ñane arandukue reheve, ha opaite ñane ánga reheve, ha opaite ñane mbaretekue reheve, ha jahayhu ñande rapichápe ñande jupéicha, tuichave opa umi ñane rymba jajukáva ha jahesykáiva Tupã Ñandejára rérapegui.

Ha Jesús he'i: --César mba'éva peme'ẽ Césarpe, ha Tupã Ñandejára mba'éva peme'ẽ Tupã Ñandejárape. Ha ijurujái hikuái hese opytávo.