Popular Bible Verses from San Marcos 13

Share

Ha nda ija'éi vaerã opavave pende rehe che réra rehe, ha pe ogueropu'akáva ipaha peve upéva ojesalva vaerã.

‘Pema'ẽke, aníke peke, ha peñembo'e ndapeikuaáigui araka'épa pe ára oguahẽne.

Ha pende rerahávo pene me'ẽ haguã, ani pejepy'apy peje vaerã rehe, ha ani pejepy'amongeta raẽ, ñe'ẽ oñeme'ẽva peẽme upe jave, upéva peje, ndaha'éiko peẽ peñe'ẽtava, Espíritu Sántonte.

Yvy ha yvága ohasa vaerã, che ñe'ẽ katu ndohasa va'erãi.

‘Upe ára ha upe hora katu avave ndoikuaái, ángel kuéra yvágape oĩva ha pe Tupã Ñandejára Ra'y jepe ndoikuaái, Túva añoite mante.

‘Pehendu ramo herakuã ha oikoha guerra, ani peñemondýitei, tekotevẽ upéicha oiko; opáichavo ne'ĩra mo'ãi gueteri ipaha.

Aníke peke aipóramo, ndapeikuaáigui araka'épa oúne pe óga jára, ka'arúvopa terã pyhare pyte, terã gallo osapukáivo, terã pyhareve. Anítei ou sapy'a ha pende juhu pende kéra. Ko ha'éva peẽme, opavavépe ha'e: Aníke peke.

Opu'ã vaerã tetã nguéra ha reino kuéra ojuehe; oiko vaerã yvy ryrýi heta henda rupi, oĩ vaerã ñembyahýi ha ayvu guasu; jehasa asy ñepyrũha ko'ã mba'e.

Tekotevẽ ko evangelio oñemoherakuã raẽ opa tetã rupi.

heta ou vaerã che rérape he'íva: “Che ko pe Cristo”, ha hetápe ombotavy vaerã.

‘Peẽ katu pema'ẽ pende jehe. Pejereraha vaerã concilio rupi, ha sinagoga rupi peñenupã vaerã, ha peñehenói vaerã presidente ha rey kuéra rovake che rehehápe mombe'upyrã ichupe kuéra.

Opu'ã vaerã tekove japu he'íva ojehe ha'eha pe Cristo, ha ñemoñe'ẽhára japu ojapóva mba'eguasu ha techapyrã oporombotavy haguã ikatu ramo umi jeporavopyrépe jepe.

‘Umiha árape, umi angekói rire, kuarahy iñypytũmba vaerã, ha jasy ndohesape mo'ãvéi. Estrella kuéra ho'áta yvágagui, ha umi yvága pegua pu'aka oñemomyimbáta.