Popular Bible Verses from SAN MARCOS 6

Share

Aptahak axta apkeláneya Jesús se'e: —Nók, ólmahagkok negko'o enxakcha'awók mók nekha yakwayam óllókasók sekxo' nelyampé m'a meykexa nak énxet. Hakte apyakmagákpek axta énxet apkelwokmo aphágkaxa, mopwanchek axta apmoko etawagkok aptéyak.

Wánxa agkok, aptahak axta Jesús apkeláneya s'e: —Ekyókxoho yókxexma cha'a kóltehek kéláyo m'a énxet Dios appeywa aplegaso nak, keñe méko katnehek eyáyo m'a apchókxa, cham'a nepyeseksa apnámokkok nak, tén han ma'a ekheykha nak apxagkok.

Xama axta aptepa Jesús kañe' yántakpayhe, apwet'ak axta énxet apxámokma, apyósekak axta anhan apkelano xa énxet'ák nak, hakte máxa axta aptamheykegkok ma'a nekkések meykel'a eltakmelcheso; xámok axta aksok apkelxekmóso m'a.

Mopwanchek axta apkelana Jesús aksok sempelakkaso agweta' ma'a, wánxa axta aksa apkeltakmelchesekmo apkántawók apkelháxamap ma'a ektaha axta appaknegweykmoho. Apkenatchesek axta apwet'a Jesús metnaha melya'áseyam xa énxet'ák nak. Apweynchámeyha axta Jesús nátegma eyágketexa apkelxekmósama cha'a énxet'ák.

Keñe axta apkelma Jesús ma'a cinco pan nak, tén han ma'a ánet kelasma, apsekhákxok axta néten, apmések axta ekxeyenma apwáxok Dios, keñe axta apkelyepta Jesús ma'a pan nak, apkelmeyásegkek axta apkeltámeséyak yakwayam enxoho emlaskok ma'a énxet'ák. Apmelasseyk axta anhan énxet'ák ma'a ánet kelasma axta. Apyókxoho axta aptókagkok ekwokmoho apkelyakkanakmo, Doce axta anhan wokmok apxata pan nápakha'a apkeleymomap tén han ma'a kelasma eleymomaxche axta.