Popular Bible Verses from SAN MARCOS 5

Share

Aptahak axta apcháneya Jesús se'e: —Hatte, megkay'áseyam takmelchesakmok xeye'. Katakhekxa' yetlo meyke ektamheykha awáxok, takmelwokmek ma'a ektémakxa axta ekháxamáxche.

Paxkeygkek axta anhan énxet apxámokma xama kelán'a ekweykmo axta doce apyeyam ekháxamáxche, axta kamassegweykmok ektépeykekxa cha'a éma agkok xa. Wenaktémok axta eklegeykegkoho ekya'áyekmo cha'a pánakte egyepmeyk, sawhomakyek axta selyakye agkok ekyánmagkaso cha'a, axta eyke katakmelweykmok, yágweykmók axta aksa ektémakxa ekháxamáxche.

Yetlókók axta anhan ekmasé ekteyapma éma agkok, legagkok axta ektakmelwokmo m'a ektémakxa axta ekháxamáxche.

Apmeyk axta ámek. Aptahak axta apcháneya s'e: —Talita cum (nenteme nak negko'o nempeywa: “Kelán'a étkok, ektahak ko'o seyáneya exche' s'e, kaxatakha.”)

Neyseksa appakmeyesma axta makham Jesús, apkelwokmo nápakha énxet'ák apkeleñama axta m'a apkemha apmonye apchakneykekxexa judíos apxagkok, yakwayam etnehek yának apkeltennáseykekxa sakcha'a egyap se'e: —Ketsekkek apketche. Ná elenxanmoho aplanneyeykha sẽlxekmóso. Wánxa agkok, axta eyke yahaxnók Jesús aptahakxa apkelpeywa xa énxet'ák nak. Aptahak axta apcháneya apkemha apmonye apchakneykekxexa judíos se'e: —Nágkawho apnenyek, etne aksa mey'áseyam.

Aptemék axta appeywa énxet xa, hakte aptemék axta apcháneya Jesús se'e: —¡Espíritu ekmaso, katyep xa énxet apwáxok nak! Aptahak axta apkelmaxneyeyncha'a Jesús se'e: —¿Háxko apwesey exchep? Aptahak axta apchátegmowágko s'e: —Legión ko'o sekwesey, hakte nenxámok negko'o.