Popular Bible Verses from SAN MARCOS 4

Share

Apkempákxeyk axta néten Jesús, appakhetchesek axta exchahayam, aptahak axta anhan apcháneya wátsam ekwányam se'e: —¡Kawanma! ¡Katakmelchásekxa ekyetno! Massék axta anhan exchahayam ekyennakte, kelwáneykxók axta nahan exma. Keñe axta aptaha apkeláneya Jesús apkeltámeséyak se'e: —¿Yaksak ektaha kélaka nak? ¿Mékoya makham megkólya'áseyam kéxegke?

Apkelakawók apagko' axta xa énxet'ák nak, aptahak axta apkelmaxneyeyncha'a pók se'e: —¿Yaksak kexaha énxet xa aptéma nak, wokmók exchahayam elyaheykekxoho appeywa, tén han wátsam ekwányam?

Wánxa agkok, aptenchek axta eyke Jesús atakla yántakpayhe, yetlo apteyáyam axta apténak. Kélxátekhásekxeyk axta. Entahak axta amya'a apcháneyákpo Jesús se'e: —¡Sẽlxekmóso! ¿Yagkatnaháha apwáxok peya ólweywagkok?

Aptahak axta anhan apkeláneya Jesús se'e: “Kóltakmelchesho kélháxenmo xa ektahakxa nak kéllegé. Ekwánxa enxoho kélyetsáteyak aptémakxa kélmók kéxegke, sat nahan exnéshok Dios apkelyetsáteyak kéltémakxa kéxegke xa; Eyeykhásamhok sat nahan aptemésesakxa kéxegke Dios.

Aptahak axta nahan apkeltenneykha Jesús se'e: “Máxa énxet apkeneykekxa aktek ma'a aptémakxa nak Wese' apwányam Dios; aptenchek agkok axta'a, keñe exatakhak ekhem, katyapok eyke m'a aksok aktek kélcheneykekxa, kawanák nahan, mey'asagkek eyke ektémakxa m'a ektaha apkeneykekxa.

Kéxegke ekha nak kélheyk'ák kóleyxho xa.”