Kuhaaniyyohi wewween ichoow ewweenki Yaꞌhuud ba tossateene, iskar chasteene, chilimmeti buure siicheen. Wihi icho iyidaaheen, “ꞌDooꞌd mehe itadeehiin ya, ‘Abatti Yeesso ibeen uꞌdurraayi timiyye sartiis hatte!’ Chirri gaafana waha daage la, uus ꞌdee sina atin kawaarinne, nahe yeed tuumman haagginna, atin ribna.” Iskare ꞌdeerka chilimme khaatte, wihi kootte yeela liiyidah yeesse. Yeedaas beenaate sartiisti lahate miinsan la ichoow uliba laka, yaafohi Yaꞌhuud goyaka a sohta.