Popular Bible Verses from Mattaayo 27

Share

Geeddi sahaꞌd saagaal ka, Yeesso hooyi buure ka riire, “Elooy! Elooy! Laama sabakhtani?” yidah. Wahaas la a mehe ya, “Waakkhaayaaw, Waakkhaayaaw, a iꞌdoh ikatabte?”

Chirraakka dafarti weyti yobbeenye minki Waakhe buure seley goosso meel lamma seley igoote, sereye kasookharradde ichoowka iliche kabahte. Harra sesseehte, daddaabo laka khakkharradeen. Hawwaalo furnameene, ꞌdooꞌdi Waakhe ittaawenye munyeenye goorat tuume omoot lakasookahche.

Yeesso inkoo us toro hooyi buure ka riire ka rubey gooche.

Chirri eti koobbintoo iskareet itoollo ichoow iskarti leejirte Yeesso yuubisso harrati sesseehto ichoow wihi tuummane yitah agarte ka, weyti nahte, “Rumanka usu Weeli Waakhe eheet,” tidah.

Uus sahaꞌd lihti maalimeet ka il tuumman mugꞌdi yitahye, ichoowka sahaꞌd saagaale eleesse.

Bilaato wihi us worsate, “ꞌDeerka Yeessohi Ki Lasubhe layadeeh iꞌdoh idaahe?” Icho tuumman la wihi icho ilaabeen, “Massalaaba kakaah.” Bilaato wihi us worsate, “A iꞌdoh? Mehe suujenye yeele?” Iꞌdaasenyi geeddi kootteet ꞌdirihiis riireene, “Massalaaba kakaah!” yidaaheen.