Popular Bible Verses from 1 Pita 4

Share

Din gari shɛlikam nyɛla, kul yumiya taba ni yɛlimaŋli, dama yurilim limsiri taali balibu pam.

Di simdi ni bɛnkam mali Naawuni ni ti ba pina balibubalibu shɛŋa tumdi viɛnyɛliŋga zaŋdi li sɔŋdi bɛ taba.

Ŋun tɔɣisiri yɛtɔɣa, ŋun’ tɔɣisimila Naawuni ni zaŋ yɛtɔɣ’ shɛŋa ti o, ka ŋun tumdi tuma, ŋun’ zaŋmi Naawuni ni ti o ya’ shɛli tummi li, ka di chɛ ka Naawuni nya paɣibu binshɛɣukam ni Yisa Masia ŋun nyɛ ŋun su yiko mini jilima hal ni saha din ka bahigu la zuɣu. Ami!

Amaa nir’ yi di wahala la o ni nyɛ Kristiɛn zuɣu, ŋun’ di chɛ ka vi mal’ o, amaa ŋun’ naɣ’ paɣimila Naawuni bɛ ni zaŋ Masia yuli pa o yupaa la zuɣu.

Binshɛɣukam tariga paabu saha miriya, dinzuɣu gbibiya yimaŋa, ka yirigimiya yimaŋ’ zuɣu suhiri Naawuni.

M mabiyurisi, yi yi nyari wahala din be kaman buɣim ka di paari ya ni di buɣisi ya, yin’ di chɛliya ka di gari ya kaman di nyɛla din na ʒi n-niŋ so n-niŋdi ya maa. Amaa lee maliyala suhupiɛlli yi mini Masia ni laɣim di wahala ni di chɛ ka yi suhuri ti paligi, ka yi tooi mali suhupiɛlli pam saha shɛl’ o jilima yi ti yi palo la.

Niŋmiya saani ka kparima ni ŋumbu ka di puuni.

Dinzuɣu di simdi ni bɛn diri wahala ka di nyɛ Naawuni yubu la kul tumdi din tuhi, ka zaŋ bɛ nyɛviya niŋ bɛ Namda ŋun kul ʒe o daalikauli nyaaŋa la nuu ni.

Masia ni daa di wahala o niŋgbuŋ ni shɛm la zuɣu, di simdi ni yi gba zaŋ o tɛha maa tatabo kpaŋsi yimaŋa, dama ŋunkam diri wahala o niŋgbuŋ ni, o bi lan zaŋd’ o nuu kpɛhiri alahichi tumbu ni. Dinzuɣu pumpɔŋɔ zaŋ chana, di simdi ni yi chɛ ka Naawuni yubu n-su yi dunia ŋɔ ni biɛhigu, ka pa ni daadamtali kɔr’ biɛri.

Bɛ yi galim ya Masia yuli zuɣu, yi mal’ alibarika, dama Naawuni Shia Kasi min’ o jilima be yi ni. Niriba ŋɔ nyɛla bɛn tɔɣisiri yɛtɔɣ’ biɛri dalindiri Masia, amaa yinim’ sani o nyɛla ŋun nyari tibigibu.