Popular Bible Verses from 1 Pita 5

Share

Zaŋmiya yi suhuri ni zɔhiri shɛlikam zuɣu yɛla niŋ o nuu ni, dama o baɣa be yi ni.

Ka yi yi di wahala ka di yuui biɛla, Naawuni ŋun nyɛ anfaanizaalana ka boli ya ni yi mini Masia ti laɣim nya o jilima din ka bahigu la maŋmaŋ’ chɛ ka yi nya din simdi ya sɔŋbu zaa, ka chɛ ka yi ʒe yim, ka tin ya yiko mini kpiɔŋ.

Gbibiya yimaŋa, ka yirigimiya yimaŋ’ zuɣu! Yi dim’ ŋun nyɛ Sintani la kul chanimi gindi ŋumdi kaman gbuɣinli la m-bɔri ni o gbaai so ŋubi. Ʒiɛnya yim yi yɛda niŋbu puuni ka zaɣis’ o, dama yi mi ni yi mabihi bɛn be dunia ŋɔ luɣ’ shɛlikam zaa nyarila wahala shɛŋa yi gba ni nyari maa tatabo.

Dinzuɣu siɣisimiya yimaŋa Naawuni nuu din mali yiko la ni, ka di chɛ ka o ti duhi ya o ni yu saha shɛli.

Lala n-nyɛ li, yinim’ bɛn nyɛ bipala la: Zaŋmiya yimaŋa ti cheechi toondaannima, ka yi zaa zaŋ maŋsiɣisibutali kaman binyɛrigu la ye n-sɔŋdi yi taba, dama di sab’ Naawuni Kundi ni yɛli, “Naawuni zaɣisiri karimbaannima, amaa ka niŋdi anfaani niŋdi bɛn siɣisiri bɛmaŋ’ ni.”