Popular Bible Verses from Marcos 13

Share

Takenin uñisitaw naya laycojj sarnakapjjäta. Ucampis qhititejj tucuycam sayt'canejja ucaw khespiyatäni.

“Uqhamasti jumanacajj suyapjjam, amuyasipjjam, [Diosat mayisipjjaraquim] janiraquiw yatipctati cuna horasar puriniñapsa.

Cunapachatejj jilïrinacar catuyañatac irpapjjätamjja, janiw ajjsarapjjätati ni lup'ipjjätasa: “¿Camsaraquiñäni?” sasa. Cuntï Diosajj sapcätam uca horasan arsuñataquejja uca sapjjäta, janiw jumanacat parlapcätajja, jan ucasti Kollan Ajayuw parlascani.

Alajjpachampi acapachampejj tucusiniwa, ucampis arunacajjajj janiw tucuscaniti.

“Ucampis uca urumpita horasampitjja, janiw qhitis yatquiti, ni quicpa alajjpachanquir angelanacas yatquiti, ni Diosan Yokapasa, jan ucasti Dios Awqui sapaquiw yati.

“Cunapachatejj ch'ajjwanacat ist'apjjätajja, uqhamarac guerranacan utjañap yatipjjaraquïtajja ucqhajj janiw sustjasipjjätati, ucanacansti uqham lurasiñapaw waquisi. Ucampis ucqhajj janïraw tucuyäcaniti.

Uqhamajj amuyasipjjamaya, janiw yatipctati utanin cunüru puriñapsa, inas arumarüchini, chica arumarüchini, wallpa art'arüchini, khantatirüchini. Ucatrac acatjamat purinisin iquisquir catjasipquiristam. Jumanacar sapcsma ucjja, takeniruw saracta, amuyasipjjapunim.”

Mä jach'a marcajj mayni jach'a marca contraw nuwasini, mä marc apnakeristi mayni marc apnaker contraraquiw nuwasiraquini, orak qhathatinacaw walja chekan utjani; mach'anacampi ojjoñanacampiraquiw utjani. Take uca t'akhesiñanacasti kalltaquïscaniwa.

Janïra acapachajj tucusquipan waquisiraquiwa nayrakat take jakenacaru khespiyasiñ arunacajj yatiyasiñapa.

Waljaniw nayan sutejjana jutapjjani: “Nayätwa Cristojj” sasa. Jupanacasti waljaniruraquiw sallkjapjjani.

“Ucampis jumanacajj amuyasipjjam. Autoridadanacaruw catuyapjjätam, sinagoganacansti jawk'jataw uñjasipjjäta; jumanacarusti naya laycojj jilïrinacana, reyinacampin nayrakataparuw irpapjjätam. Jumanacasti jupanacarojj nayjjat khanañchapjjäta.

C'ari cristonacampi, c'ari profetanacampiw sartani. Ucatsti unañchanacamp, muspharcañanacamp lurapjjani, jakenacar pantjayañataqui. Waquisin ucqhajj Diosan ajllitanacaparus pantasiyañ munapjjani.

“Ucürunacansti uca t'akhesiñanac pasjjepanjja, intejj ch'amact'aniwa, phajjsisti janiraquiw khancjjaniti. Warawaranacasti alajjpachatjj willektanjjaniwa, take cunanacatejj alajjpachan utjquis ucanacajj qhathatiraquiniwa.