Popular Bible Verses from Marcos 14

Share

Ucatsti oracionapanjja sascaquïnwa: “Awquejjay, jumajj take cun lurañataquiw ch'amanïtajja. Aca c'allc'u um umt'añajjsa apakt'asitaya. Ucampis jan nayan munañajjäpati, ucatsipan juman munañamarjam luraspan” sasa.

Jan iquipjjamti; Diosat mayisipjjam, jan yant'ar mantañataqui. Chekpachansa ajayojj lurañataquejj janc'aquiwa, ucampis janchejj t'uqhawa.

Khanacwa sapjjsma, cawqhantejj aca khespiyasiñ arunacajj acapachan parlasinejja, aca warmin luratapatjja parlapjjaraquiniwa, jupat amtasiñataqui.

Uca quimsanirojj sänwa: —Chuymajjanjja sinti llact'ataw uñjasta niyas jiwquirist uqhama. Acawjar khepart'apjjam, janiw iquipjjätati —sasa.

Mank'ascasinsti t'ant'a irtasin Diosar yuspagaräna. Pachinokasinsti discipulonacaparuw churäna, saraquïnwa: —Mank'apjjam, acajj janchejjawa —sasa.

Ucjjarusti umañ copa astasinwa Diosarojj yuspagaräna. Ucatsti discipulonacaparuw churaraquïna. Takeniraquiw uca copatjj umt'apjjäna. Jesusasti sascaquïnwa: —Acajj nayan wilajjawa [machak] arsüwi phokhañataqui. Walja jakenac laycuw wartasi.

Ucatsti Jesusajj jupanacarojj sänwa: —Jichha arumajj jumanacajj takeniw nayat mayjt'asisin jaytanucjjapjjetäta. Kellkatanacansti siwa: “Awatirirojj jiwayäwa, ovejanacasti ananucutaquëjjaniwa.”

Sartasjjapjjam, jin sarjjapjjañäni. Aljantquitus ucajj niyaw jac'anqui —sasa.

Jesusasti juparojj saraquïnwa: —Khanacwa sisma, jichha arumpachaw nayar jan uñt'irejj tucüta. Quimsa cutiw jumajj jan uñt'quitasmas uqham tucüta, wallpajj janïr pä cuti art'quipana.