Popular Bible Verses from Mateo 28

Share

Take acapachanquir jakenacar yatiyir sarapjjam, nayar arquir tucuyapjjam; bautisapjjam Dios Awquina, Dios Yokana, Dios Kollan Ajayun sutiparu. Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Jesusasti jupanacar jac'achasisinjja siwa: “Nayar churatawa take munañanïñajja alajjpachansa, acapachansa.

Angelasti warminacarojj saraquïnwa: “Jan ajjsarapjjamti, nayajj yattwa ch'accatatäcäns uca Jesusar thakasipcatama. Janiw acancjjeti, jan ucasti jactawayjjewa, cunjämtejj siscäna uqhama. Jutapjjam, uñjapjjaraquim cawquirutejj imatäcän uca.

Jupasti sänwa: —Jan ajjsarapjjamti, yatiyanipjjam jilanacajjaru, sapjjaraquim: “Galilean jumanacampejj jiquisï” sasa.

Uca sacerdotenacan jilïrinacapasti chuymani jilïrinacan ucaruw sarapjjaraquïna jupanacampi arust'asiñataqui, ucatwa walja kollke churapjjäna soldadonacarojja. Jupanacarusti sapjjaraquïnwa: —Jumanacajj sapjjätawa jakenacarojja: “Discipulonacapaw Jesusan jiwat janchipjja lunthatjjapjjetu nanacan iquisipcañajjcama” sasa. Jach'a marca apnakeritejj uc yatin ucapachajja, nanacaw jupampejj parlasipcä jan cunsa jumanacar camachañapataqui —sasa. Soldadonacasti kollke catokasinjja sarjjapjjänwa cuntejj luram satäcänsa uc luriri. Ucsti judionacajj jichhacamaw uqham sasipqui.