Popular Bible Verses from Mateo 27

Share

Uca quipca horasaraquiw Jesusajj wali jach'at art'äna: “Elí, Elí, ¿lama sabactani?” sasa. (Ucasti sañ muni: Diosajjay, Diosajjay, ¿cunats aqham nayar antutt'asista?)

Ucapachaw templonquir uca jach'a cortinajj payaru ch'iyjtawayjjäna, amstat kalltasina aynachcam tucuyasa. Orakes qhathatiraquïnwa, karkanacasti ch'iyatattaraquïnwa. Sepulturanacas jist'artaraquïnwa; Diosar iyawsasa jiwirinacas jacatatapjjaraquitaynawa

Jesusasti wasitat jach'at art'asiraquïnwa, ucatsti jiwt'awayjjänwa.

Ucanccän uca capitanasti mayninacampejja, orak qhathatimpi, uqhamarac yakhanacampi uñjasinjja wal ajjsarapjjäna, ucat sapjjaraquïna: “Chekpachapuniw aca jakejj Diosan Yokapäpacha” sasa.

Ucapachaw take orakpachajj ch'amact'äna, chica urut kalltasina quimsa horascama.

Pilatosti jupanacarojj wasitata jisct'äna: —¿Cunarac lurästi Jesusampisti, qhititejj Cristo satäqui ucampejja? —sasa. Ucarojj takeniw mayac sapjjäna: —¡Ch'accatatäpan! —sasa. Pilatosti jupanacarojj sänwa: —¿Cuna jan walpunsa jupajj lurataynajja? —sasa. Wasitat jupanacajj sasipcaquïnwa: —¡Ch'accatatäpan! —sasa.