Popular Bible Verses from ROMA, 11

Share

Auā ua fua mai ia te ia, ma ua faia e ia, e iu atu foi ia te ia mea uma; ia ia te ia le viiga e faavavau lava. Amene.

Aue! le loloto o le tamaoaiga o le poto atoa ma le silafaga a le Atua. E le masuesueina ana faamasinoga; e le mafai foi ona iloa ona ala.

Auā o ai ea se ua iloa le finagalo o le Alii? po o ai foi se ua pulega faatasi ma ia?

O lenei, e faapea foi i nei ona po, ua i ai e ua totoe e tusa ma le filifiliga o le alofa tunoa. Afai foi o le alofa tunoa, ua le o galuega; ana faapea, po ua le toe ta‘ualofatunoaina le alofa tunoa; afai foi o galuega, ua le o le alofa tunoa; ana faapea, po ua le toe ta‘ugaluegaina le galuega.

Afai foi na gaui ese nisi ona la, a o oe o le olive vao, ua faapipiiina oe ia faatasi ma i latou, ma ua tofu faatasi ma i latou i le pogai ma le sua o le olive, aua e te faasiasia i ona la; afai foi e te faasiasia, ia e manatu ua le ola le pogai ia te oe, a ua e ola i le pogai.