Popular Bible Verses from ROMA, 10

Share

afai e te ta‘utino i lou gutu i le Alii o Iesu, ma talitonu i lou loto ua toe faatuina mai o ia e le Atua nai e ua oti, e faaolaina ai oe

auā o le loto e talitonu ai, e oo mai ai le amiotonu; a o le gutu e ta‘utino ai, e oo mai ai le ola.

O lenei, e tupu le faatuatua i le taulogologo atu, o le taulogologo atu foi o i le afioga a le Atua lea.

Auā ua faapea mai le Tusi, E le mā se tasi e faatuatua ia te ia. Auā e le eseese le Iutaia ma le Eleni; auā o le Alii e toatasi o tagata uma e faulai lona alofa ia te i latou uma lava o e valaau atu ia te ia; auā e faaolaina i latou uma o e valaau i le suafa o le Alii.

pe faapefea foi ona latou tala‘i atu, pe afai ua le aauina atu i latou? Pei ona tusia, E matagofie naua o latou vae o e au mai le tala lelei i le manuia, o e au mai le tala i mea lelei.

O lenei, pe faapefea ona latou valaau atu i le ua latou le faatuatua i ai? pe faapefea foi ona latou faatuatua i le ua latou le faalogo atu i ai? pe faapefea foi ona latou faalogo atu, pe a leai se tala‘i atu?

Auā o le iuga o le tulafono o Keriso lea, e oo mai ai le amiotonu i e faatuatua uma lava.