Popular Bible Verses from FAATAOTO, 12

Share

O le atuatuvale i le loto o le tagata ua faavaivai ai o ia; a o le upu lelei e faaolioliina ai.

O le ua fiafia ina a‘oa‘oina, ua fiafia o ia i le poto; a o lē ‘ino‘ino i le aoaiga, o le vale lea.

O i ai lē soona tautala, e pei o tutu‘i i le pelu; a o laulaufaiva o e popoto e malolo ai.

O le ala o le vale, ua tonu lea i lona manatu; a o le ua faalogo i le pule, e poto ia.

E vave iloa le ita o le vale; a o le tagata mafaufau, ua ufiufi e ia lona mā.

O le avā amio lelei, o le pale lea i lana tane; a o lē faamā, e tusa o ia ma le mea e pala ai ona ivi.

E inosia e Ieova o laugutu pepelo; a o e fai mea faamaoni, e fiafia i ai o ia.

O le tagata amiotonu, na te faaali le ala i lana uo; a o le ala o e amio leaga, e faaseseina ai i latou.

O laugutu faamaoni, e faatumauina ia e faavavau; a o le laulaufaiva pepelo, ua se emo o le mata lea.