Popular Bible Verses from FAATAOTO, 13

Share

O lē latou te feoai ma tagata popoto, e poto lava ia; a o le uo a e valelea, e leaga ai lava ia.

O le na te leoleo i lona gutu, e tausia e ia lona agaga; a o lē faamaga ona laugutu, e ia te ia le malaia.

O le ua tuuna lana sasa, ua ‘ino‘ino o ia i lona atalii; a o le ua alofa ia te ia, ua saili le aoaiga mo ia.

O le faamoemoe ua tuai ona taunuu e faanoanoa ai le loto; a o le manao ua taunuu, o le laau o le ola lea.

O le amiotonu e leoleoina ai lē ua sao lana amio; a o le amio leaga e lafotuina ai le ua agasala.

E faaitiitia le oloa i lē fai mea faatauvaa; a o lē faaputu mea i galuega, e faateleina ana mea.

Na o le faamaualuga lava e tupu ai le misa; a o e filifili, e popoto i latou.

O le tagata lelei na te tofia ana mea i le fanau a lana fanau; a o le oloa o le tagata agasala, e teua lea mo lē amiotonu.

E faalogo le atalii poto i le a‘oa‘o atu a lona tamā; a o lē faatauemu, e le faalogo ia i le aoaiga.

O le mativa ma le faamāina, e i ai ia i le na te teena mea e a‘oa‘oina; a o le ua usiusitai i le aoaiga, e mamalu lava ia.