Popular Bible Verses from MATEO 2

Share

Ket idi simrecda iti balay, nasaracanda ti ubing ken ni Maria nga inana; ket nagrucbabda, nagdaydayawda kencuana; ket linucatanda dagiti gupgupitda, indatonda kencuana dagiti sagsagutda a balitoc ken incienso ken mirra.

Idi ta nayanac ngaruden ni Jesus idiay Bethlehem sadi Judea, cadagidi aldaw ni Ari Herodes, adtoy, dagiti Mamasirib cadagiti luglugar iti daya immayda sadi Jerusalem, a cuncunada, Sadino ti yan ti nayanac nga Ari dagiti Judio? Ta nakitami ti bituenna idiay daya, ket immaycam nga agdayaw kencuana.

Ket idi a nakitada ti bituen nagragsacda iti napalalo.

Ket idinto a napacdaaranda gapu iti maysa a tagtagainep a saanda nga asublin ken Herodes, nagawidda iti dagada iti sabali a dalan. Ket idi nacapanawdan, adtoy, ti maysa nga angel ti Apo nagparang iti maysa a tagtagainep ken Jose a cuncunana: Bumangonca, ket alaem ti ubing ken ni inana, ket aglemmengca idiay Egipto, ket agianca sadiay aginga ti panangibagacto kenca, ta ni Herodes sapulennanto ti ubing tapno pucawenna.