Popular Bible Verses from MATEO 1

Share

Ket aganacto iti maysa a lalaki; ket panaganamto iti Jesus; ta isu isalacannanto ti ilina cadagiti basbasolna.

Adtoy ti maysa a virgen agsicugto ket aganacto iti maysa a lalaki, Ket panaganandanto iti Emmanuel; a no mayulog cayatna a saoen: Ti Dios adda cadatayo.

Ngem idi ta panpanunutenna daytoy, adtoy, maysa nga angel ti Apo nagparang kencuana iti maysa a tagtagainep, a nagcuna: Jose, anac ni David, dica aduadua nga umawat ken Maria nga asawam; ta ti nabukel kencuana, aramid ti Espiritu Santo.

Ngem ti pannacayanac ni Jesu-Cristo castoy: Idi ta nakiasawa ni Maria nga inana ken Jose, ket idi dida pay nagdinna, nasaracan a nagsicug iti aramid ti Espiritu Santo. Ni Jose nga asawana, agsipud ta nasingpet ket dina cayat nga ibabain, insicatna a baybay-an iti nalimed.