Popular Bible Verses from MATEO 3

Share

Agaramidcay ngarud cadagiti bunga a maicari iti panagbabawi

Ket adtoy ti maysa a timec a nanipud cadagiti langlangit a cuncunana: Daytoy ti Anacco a dungdungngoec, Isu a pacapnecac unay kencuana.

Ket ni Jesus, idi nalpas a nabautizaran, dagus a simmang-at nanipud iti danum; ket adtoy; dagiti langlangit nalucatanda kencuana, ket nakitana ti Espiritu ti Dios a bumabbaba a cas la calapati ket umumay kencuana.

Siac kinapudnona, bautizarancayo iti danum a maipaay iti panagbabawi; ngem dayta umay sumaruno caniac adadda ti pannacabalinna ngem siac; dagiti zapatos daytoy saanac a maicari nga agiggem; isu bautizarannacayto iti Espiritu Santo ken apuy.

Ket itan ti wasay naicabilen iti ramut dagiti caycayo tunggal cayo ngarud a di mangted ti nasayaat a bunga, mapucan ket maisungrod iti apuy.

Ta daytoy isu daydi sinao ni mammadto nga Isaias a cuncunana: Timec ti maysa nga agao-awag iti let-ang: Isaganayo ti dalan ti Apo, Palintegenyo dagiti danana.