Popular Bible Verses from I PEDRO 5

Share

Nga itaclinyo kencuana ti amin a pagdanaganyo gapu ta isu aluadannacayo.

Ket ti Dios ti amin a parabur a nangawis cadacayo iti agnanayon a gloriana ken Cristo, iti calpasan ti panagsagabayo iti bassit nga aldaw, isu met laeng palaingennacayto, patibkerennacayto, papigsaennacayto.

Agparbengcayo, agsalucagcayo; ti diablo a cabusoryo, cas la leon a ngumerngernger, magmagna iti sibayyo nga agsapsapul ti alun-unenna. Isu sarangtenyo ngarud babaen iti nabileg a pammati, yantangay ammoyo a dagiti castoy a sagsagabaen madamada a mapasamac cadagiti cacabsatyo nga adda ditoy lubong.

Agpacumbabacayo ngarud iti mannacabalin nga ima ti Dios, tapno isu itanocnacay coma iti pannacaipaayna nga aldaw

Casta met dacayo a saan a panglacayen, agtulnogcayo cadagiti panglacayen; ket dacay amin, agcawescayo iti kinaemma, nga agtitinnulongcayo, ta ti Dios tallicudanna dagiti natangsit, ngem iccana ti parabur dagiti napacumbaba.