Popular Bible Verses from II PEDRO 1

Share

Idinto nga iti nadiosan a pannacabalinna intedna cadatayo dagiti isu-amin a banbanag a maipaay iti biag ken kinasingpet, gapu iti pannacaamo kencuana a nangayab cadatayo babaen iti dayag ken pannacabalinna met laeng: Gapu cadagitoy naited cadatayo dagiti napateg ken dadackel unay a carcari tapno gapu cadacuada agbalincayo a mairaman iti kinadios a nalisianyo ti panagrupsa nga adda ditoy lubong gapu iti derrep.

Ket gapu itoy met, aramatenyo ti amin a kinaregtayo ket iti pammatiyo inayonyo ti kinasingpet; ket iti kinasingpet, ti kinasirib; Ket iti sirib inayonyo ti panagparbeng; ket iti panagparbeng, ti anus; ket iti anus, ti panagbuteng iti Dios: Ket iti panagbuteng iti Dios, ti ayat a naincacabsatan; ket iti ayat iti naincacabsatan ti ayat cadagiti isu-amin.

Ta no addaancayo cadagitoy a banbanag ken nawadwadda cadacayo, aramidendacayto a saan a nasadut ket agbungacayo ti pannacaammo ken Apotayo a Jesu-Cristo.

Gapuna, cacabsat, agregtacayo iti adadda pay iti panagpatibker ti pannacaawis ken pannacapiliyo; ta no aramidenyo dagitoy a banag, dicayto maiculbo