Popular Bible Verses from I PEDRO 4

Share

Ket nangnangrona ngem amin adda coma cadacayo met laeng ti nasged nga ayat ta ti ayat abbunganna dagiti adu unay a basbasol

Tunggal maysa cas iti sagut nga inawatna tumulong coma cadagiti sabali, cas naimbag a mapagtalcan cadagiti adu a kita ti parabur ti Dios.

No ti siasinoman nga agsao, agsao coma cas cadagiti sasao ti Dios; no ti maysa agservi cas coma iti pannacabalin nga inted ti Dios: tapno ti Dios madaydayaw coma cadagiti isu-amin a banbanag, gapu ken Jesu-Cristo; isu a makincua iti dayag ken iti panagturay iti agnanayon nga awan inggana. Amen.

Ngem no adda agsagaba a cas cristiano, saan coma nga agbain, no di ket dayawenna coma ti Dios itoy a nagan.

Ngem ti tungpal dagiti isu-amin a banag asidegen; agparbengcay ngarud ken agsalucagcayo iti cararag

Ay-ayatec, dicay panunuten a nacascasdaaw dagiti nabara a rigrigat a maar-aramid cadacayo nga umay mangsuut cadacayo, a cas la adda maysa a banag a nacascasdaaw a mapasamac cadacayo: No di ket agragsaccayo, gapu ta mairamancayo cadagiti panagsagaba ni Cristo; tapno iti pannacaiparangarang ti dayagna, agrag-o cayo met iti rag-o a nagdanunan.

Nga agpipinnadaguscayo nga awan tantanabutob

Gapuna, dagiti agsagaba a mayannurot iti pagayatan ti Dios, italecda coma dagiti cararuada iti mapagtalcan a Namarsua, babaen ti panagaramidda iti naimbag.

Idinto ngarud ta nagsagaba ni Cristo iti lasag, dacayo met agigamcayo iti cas di met a panunot, ta ti nagsagaba iti lasag, simmardeng iti basol; Tapno ti tiempoyo a natda pay iti lasag, dicay agbiag a maipaay cadagiti derrep dagiti tattao, no di ket maipaay iti pagayatan ti Dios.

No maumsicayo gapu iti nagan ni Cristo, nagasatcayo; ta ti Espiritu ti dayag ken ti Dios agtaeng cadacayo.