Popular Bible Verses from I PEDRO 3

Share

No di ket patgenyo ni Cristo a cas Apo cadagiti puspusoyo, a madadaancayo a sumungbat iti isu-amin a mangintuudto cadacayo ti gapu ti inanama nga adda cadacayo; ngem sipapacumbaba ken sidadayaw: Nga adda nasayaat a nakemyo; tapno iti daydiay met laeng a pangsao-anda ti dakes cadacayo, mabainan dagiti manguyaw iti nasayaat a panagbiagyo ken Cristo.

Ta dagiti mata ti Apo sikikitada cadagiti nalinteg, Ket dagiti pagdengngegna sititimudda cadagiti arararawda; Ngem ti rupa ti Apo sisasango cadagiti agaramid iti dakes

A ti arcosyo saan coma a ti arcos iti ruar, ti pannagsallapid iti booc ken ti panangicapet cadagiti alhajas a balitoc wenno ti naarcos a pagan-anay; Ngem ti tao a makin-uneg iti puso maarcosan coma iti cawes a mataginayon ti maysa a nakem a naemma ken natalna, isu a dackel ti pategna iti imatang ti Dios.

Ta, ti agtarigagay nga agayat iti biag, Ken macakita cadagiti nasayaat nga al-aldaw, Igawidna ti dilana iti dakes, Ken dagiti bibigna, tapno dida agsao ti ulbod: Umadayu coma iti dakes, ket agaramid iti naimbag; Sapulenna coma ti talna, ket isu ti surutenna.

Camaudiananna agmaymaysacay coma amin iti nakem, naayat, agdidinnungngocayo a cas la agcacabsat, manangngaasi, naemma: A dicay supapacan ti dakes iti dakes, ti lunod iti lunod, no di ket icararaganyo ida; ta gapu itoy naawiscayo, tapno tawidenyo ti pannacabendicion.

Ket siasino dayta mangranggasto cadacayo, no regtaanyo ti naimbag?

Umadayu coma iti dakes, ket agaramid iti naimbag; Sapulenna coma ti talna, ket isu ti surutenna.

Ta nasaysayaat, no casta ti pagayatan ti Dios, ti agsagaba nga agaramid iti naimbag, ngem iti agaramid iti dakes.