Popular Bible Verses from I PEDRO 2

Share

Ngem, dacayo ti napili a caputotan, ti naarian a kinapadi, nasantoan a nacion, ili a cucua ti Dios; tapno ipaduyacyacyo dagiti kinatan-oc daydiay nangayab cadacayo manipud kinasipnget inggana iti nacascasdaaw a lawagna

Isu met laeng a nangawit cadagiti basbasoltayo iti bagina iti rabaw di cayo, tapno idinto a nataytayo cadagiti basbasol, agbiagtayo a maipaay iti kinalinteg: gapu cadagiti sugsugatna naagasancayo. Ta dacayo nayawawancayo idi a cas cadagiti carnero; ngem ita nagsublicayo iti Pastor ken Obispo dagiti carcararuayo.

Dacayo nga idi napalabas nga aldaw saancay nga umili, ngem ita dacay ti ili ti Dios; nga idi saancayo a nacaasian ngem ita nacaasiancayon.

A cas ubbing a caiyanac, tarigagayanyo ti awan lalaocna a gatas a naespirituan tapno dumackelcayo gapu kencuana a maipaay iti pannacaisalacan

Ayayatec, dawatec cadacayo, dacayo a cas gangannaet ken agpagpagna, nga idianyo coma dagiti derderrep a linalasag, isuda a manggubat iti cararua: A patacnengenyo coma ti panagbibiagyo iti tengnga dagiti Gentil; tapno dayta pagsao-anda iti dakes cadacayo, a cas la managaramid iti dakes, gapu cadagiti nasayaat nga aramidyo a makitada, dayawenda coma ti Dios iti aldaw ti pannacaocom.

Dacayo met, cas batbato a sibibiag, maibangoncayo a maysa a templo a naespirituan, nga agbalincayo a maysa a nasantoan a kinapadi; tapno idatonyo dagiti datdaton ti cararua, a macaay-ayo iti Dios, gapu ken Jesu-Cristo.

Gapuna, idianyo ti amin a kinadakes, ken amin a kinasicap ken dagiti panaginsisingpet, ken ap-apal, ken isu-amin a kita dagiti dakes a sa-sao

Dumatengcayo kencuana, isu a cas la maysa a bato a nabiag, nga imbel-leng a pudno dagiti tattao, ngem isu napili ken napateg iti Dios.

A cas la agwayawayacayo, ngem ti panagwayawayayo saan coma a maaramat a pangabbong iti kinadakes, no di ket cas la ad-adipen ti Dios.

Ta castoy ti nakem ti Dios, a dacayo gapu iti panagaramidyo iti nasayaat, pagulimekenyo ti kinanengneng dagiti tattao a nacuneng