Popular Bible Verses from ISAIAS 59

Share

apang ang inyo mga kalautan nagpahamulag sa inyo kag sa inyo Dios, kag ang inyo mga sala naglipud sang iya nawung sa inyo sa bagay nga indi sia magpamati.

Yari karon, ang kamut sang GINOO indi malip-ot, nga indi ini makaluwas, kag ang iya idulungug indi bungul, nga indi ini makabati

“Kag nahanungud sa akon, amo ini ang akon katipan upud sa ila, nagasiling ang GINOO: ang akon Espiritu nga yara sa imo, kag ang akon mga polong nga ginbutang ko sa imo baba, indi magtaliwan sa imo baba, ukon sa baba sang imo kaliwat, ukon sa baba sang kaliwat sang imo kaliwat, nagasiling ang GINOO, kutub karon kag sa gihapon.”

Sa amo magakahadluk sila sa ngalan sang GINOO kutub sa katundan, kag ang iya himaya kutub sa bulutlakan sang adlaw; kay magaabut sia subong sang nagasagana nga ilig, nga ginahuyup sang ginhawa sang GINOO.

“Kag ang isa ka Manunubus magaabut sa Sion, sa mga nagaliso gikan sa paglalis sa Jacob, nagasiling ang GINOO.