Popular Bible Verses from Lucas 8

Share

Ang mga binhi nga nagtupa sa maayo nga duta amo ang nagapamati sang pulong kag nagapabilin ini sa maayo kag matinumanon nga tagipusoon kag nagapadayon tubtob nga magpamunga sila.

Ang mga binhi nga nagtupa sa duta nga may mga talungon amo ang nakabati, pero ang mga palaligban, ang mga manggad kag ang mga kalipayan sining kabuhi nagaginutok kag nagalumos sa ila, kag ang ila bunga wala nagagulang.

Ang mga binhi nga nagtupa sa batuhon nga duta amo ang nakabati sang pulong kag nagabaton sini sing malipayon. Pero ang pulong wala gid makapanggamot sa ila. Wala magdugay ang ila pagtuo kay kon mag-abot ang pagsulay, nagabiya sila sang ila pagtuo.

Dayon nagsiling sia sa iya mga gintuton-an, “Diin na bala ang inyo pagtuo?” Hinadlukan kag natingala gid sila kag nagsinilingay, “Sin-o bala ini nga tawo, nga bisan ang hangin kag balod nagapati sang iya sugo?”

Ang mga binhi nga nagtupa sa dalan amo ang nakabati, ugaling nagaabot ang Yawa kag nagaagaw sang pulong sa ila mga tagipusoon, agod nga indi sila magtuo kag maluwas.

“Kay wala sing natago nga indi mapahayag, ukon tinago nga indi mahibaluan kag mabuyagyag.

Sang matalupangdan sang babayi nga nasapwan sia, nagpalapit sia nga nagakurog kag nagluhod sa tiilan ni Jesus. Sa atubang sang tanan, ginsugiran niya si Jesus kon ngaa nga gintandog niya sia kag kon paano sia nag-ayo gilayon. Si Jesus nagsiling sa iya, “Anak ko, ang imo pagtuo nag-ayo sa imo. Maglakat ka sa paghidait.”

Ginpalapitan sang mga gintuton-an si Jesus kag ginpukaw sia nga nagasiling, “Manunodlo, Manunodlo! Daw malunod kita!” Nagbangon si Jesus kag iya ginmanduan ang hangin kag ang nagadaguhob nga mga balod. Nag-untat ang bagyo kag naglinaw.