Popular Bible Verses from Lucas 9

Share

Kag nagsiling sia sa ila tanan, “Kon sin-o ang luyag magsunod sa akon, dapat niya kalimtan ang iya kaugalingon, magpas-an sang iya krus adlaw-adlaw, kag magsunod sa akon.

Kay ang bisan sin-o nga luyag magluwas sang iya kaugalingon nga kabuhi, madula niya ini, pero ang bisan sin-o nga nagadula sang iya kabuhi tungod sa akon, maluwas niya ini.

Si Jesus nagsiling sa iya, “Ang bisan sin-o nga nagaarado kag nagabulobalikid wala nagakabagay nga manginsakop sang paghari sang Dios.”

May makuha bala ang tawo kon maangkon niya ang bug-os nga kalibutan, pero madula ukon malaglag niya ang iya kaugalingon?

Ang bisan sin-o nga nagakahuya sa akon kag sa akon mga pulong, igakahuya man sia sang Anak sang Tawo kon mag-abot sia sa iya himaya kag sa himaya sang Amay kag sang balaan nga mga anghel.

Si Jesus nagsiling sa iya, “Ang mga singgalong may mga buho, kag ang mga pispis may mga pugad, pero ang Anak sang Tawo wala gid sing hiligdaan kag palahuwayan.”

kag nagsiling sa ila, “Ang bisan sin-o nga nagabaton sini nga bata sa akon ngalan nagabaton sa akon, kag ang bisan sin-o nga nagabaton sa akon nagabaton man sa iya nga nagpadala sa akon. Kay sia nga labing kubos sa inyo tanan amo gid ang labing daku.”