Popular Bible Verses from Lk 17

Share

Wɨ̀ nyaʼa ghɨ̀ əne ghà əmbɨ ə mbaŋə̀ ze ni, “Nɔʼ rətiə, wò e. E ɨbenɨ fə ghɨ̀ ni à bɔtɨ e.”

Wɨ̀ mɨ ghɨ̀ ənû rɨbɔ̀ŋ ənɨ ə ne ɨghəm sambe ɨgwɨ əni, bə̀ yeʼe ghà ɨ ne ɨghəm sambe ni, 'Mə fə beŋ mɨ fîŋ, waʼ mbɨ ɨnû rɨbɔ̀ŋ,' à berɨ waʼ ɨnû rɨbɔ̀ŋ məd.”

Ənɨ wɨ̀ fibɨ̀ rəbɔʼ mɨ̀mə̌d nyaʼa zə ni i ɨnyod fə zeŋ i, wɨ̀ nyaʼa bə̀ndɨ̀ wò rəbɔʼ, yènə̀ yiirɨ ə Ŋwiə̀ ənɨ gɨ̂ nɨ kǎ pè gù ɨban ɨwu Yeso, nàʼ məben-əwe ɨ bɔ. Mbaŋə̀ ze yɨə nyaʼə wə̀d rɨ ə Sàmàriyà.

Mbə̀ we əwən! “We aŋgɔb mɨ ghɨ̀ ənû rɨbɔ̀ŋ, à ghàm əbɔʼ məd. Wɨ̀ mɨ bèŋ i fîŋ, à waʼ ɨnû rɨbɔ̀ŋ məd.

Yeso nyaʼa biirɨ ni, “Ɨmbə̀ʼ à yɨə mbaŋə̀ wum nɨ mə kəʼ ghɨ̀ əpabɨ ə mì rɨ ɨgwɨ mɨ̀mə̌d ə? Mbɨ əbuə mbi ə?

Ə̀nùŋɨ̀sɨg nyaʼa wììrɨ̀ əmbɨ mɨ̀mə̌d ni, “Mbə mɨ kəʼ berɨ ɨbenɨ nɨ kə ɨghabɨ sǎm ə̀wɔ̀mɨ, njɨ mbə mbe tɨ mbə̀ ghà əmbɨ əzed ə sikamò zɔ̂ ni, 'Chɔʼ rɨ ə si wò kon e ɨŋga rɨ̀bàà,' əne zɨə bɨrɨ zuunɨ əwən.”

Wə̀d mɔʼɔ we nɨə kə̀b nuŋ i ɨ̀tènɨ̀, bɨrɨ sam ɨ̀tènɨ̀ we, àyɨə we nɨ sam i ɨ̀tènɨ̀ bɨrɨ wɨrɨ jɨg ɨ̀tènɨ̀ we.

Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Ɨnû mbe nɨə ghɨ̀ ni bə̂d ghɨ ɨnû rɨbɔ̀ŋ berɨ yeʼe, àyɨə ŋgəʼ bɨrɨ nyɨ ɨgun ə wə̀d we nɨ ɨnû mbe chè ənjìm məd yeʼe! Zɨə bɨrɨ bɔ̀ŋ ni mbɨ tiŋ ɨti ŋgə̀ŋ ədɔʼ ɨ bɔ wò màʼ əməd ɨŋga rɨ̀bàà, chè ɨchî nɨ tɨ mbɨ sàŋ ni wɨ̀ ghɨ̀ wan kwa mɔʼɔ rəbɔʼ mbɔ̂ ghɨ ənû rɨbɔ̀ŋ.

“Ɨchî nɨ zɨə nyaʼa ənɨ ə nyùmə̀ Noà, yɨə bə̀ ɨchî nɨ zɨə bɨrɨ yeʼ ənɨ Wan Wə̀d bɨrɨ wɨrɨ yeʼe. Wə̀d jìm wɨə nyaʼə jɨgə bə̀ nɔə. Ɨ mbɨə nyaʼə namə bə̀ namnə mbə bɔn. Ɨ mbɨə nyaʼə ghɨ̀ əne wò pè əni ze nɨ Noà nyaʼa nyɨ ɨŋga əbaŋ ɨgyɨ̀ ze nɨ Ŋwìə̀ nyaʼa gha ɨ bɔ ni wɨ̀ tekɨ. Mɨnib nyaʼa kubrɨ ɨsɨ, zwiirɨ mɨ̀mə̌d mɨjìm.