Popular Bible Verses from Lk 18

Share

Yeso nyaʼa ghà ənû ə mɨgɨ əmbɨ mbi mə̀mə̀ə̀nɨ̀-ɨnû ɨ chwi ni mbɨ berɨ kɨə kɔ̀ŋgɨ̀ ə Ŋwiə̀ zɨ rɨ bɔd.

Əsob mɨ̀sàʼi rɨbɔ̀ŋ we mɨ yeʼə ghɨ̀ əne, njɨ ka Ŋwìə̀ wa bɨrɨ weerɨ i bə̂d ɨməd mbe nɨ wɨ̀ chɔʼɔ, ɨchî nɨ mbɨə zə̀ʼ ɨ bɔ əziə mbɨ ɨzimɨ ə? Wɨ̀ wa bɨrɨ tàndɨ̀ bɔŋ weerɨ mɨ̀mə̌d ə? Mə ghà ɨ nən ni wɨ̀ bɨrɨ zambɨ weerɨ mɨ̀mə̌d. Àyɨə ənɨ Wan Wə̀d wɨrɨ yeʼe, wɨ̀ wa bɨrɨ zə ɨchî nɨ bə̂d rɨŋga ɨsɨg nuŋ fîŋ ɨgwɨ məd ə?”

Yeso nyaʼa wììrɨ̀ ni, “Ənû ə zɨə chè yeʼ bə̂d, chəi zɨə chè ə Ŋwiə̀.”

Əsob mɨ̀sàʼi we nyaʼa bè ton nɨ weerɨ əyi we ənɨ əkɔb ə nyumə̀. Àyɨə wɨ̀ nyaʼa nwìə̀ ghà ɨŋga i fîŋ ni, 'Ka à bè yeʼi ni chəi mɨə bɔə ə Ŋwiə̀ kɨ̀ bèə̀ tɔŋə wə̀d ənɨ ənù, àyɨə mə bɨrɨ weerɨ ɨku əyi wɔ̂ ɨmbə̀ʼ ɨghəm nɨ ɨ wɨə chə əmɨ, njɨ chəi mə bɨrɨ berɨ ə̀zwììrɨ̀ ɨchî nɨ wɨə jwɨ̀ə̀ yeʼe.'”

Mə ghà rəsìʼ ɨ nən ni, ka wə̀d mɔʼɔ we nɨ chəi wɨ̀ ben ənû ɨfɔ̀n ə Ŋwiə̀ ɨghabɨ wan kwa bɨrɨ nɔ nyɨ i ɨŋga ənû ɨfɔ̀n ze.”

Àyɨə Yeso nyaʼa tɔŋ bɔn mbe əsɨ ni, ghà əmbɨ mbi mə̀mə̀ə̀nɨ̀-ɨnû ni, “Mbə̀ saŋ bɔn kwa mbe yeʼe əsɨ num. Tɨ mbə̀ kən ə mɨ̀mə̌d, ɨmbə̀ʼ ɨghəm nɨ à yɨə bə̂d ɨghabɨ mbɔ̂ bɨrɨ jɨg ənû ɨfɔ̀n ə Ŋwiə̀.

Yeso nyaʼa ghà ɨ bɔ ni, “Sɨ kɔ zə ɨsɨ! E ɨbenɨ fə ghɨ̀ ni à bɔtɨ e.”

Yeso nyaʼa wììrɨ̀ ɨ bɔ ni, “À tɔŋ əmɨ ənɨ wə̀d chɔ̀m ɨmbə̀ʼ ə ye ə? Chəi wə̀d mɔʼɔ nɨ bɔŋɨ chè rɨ ənɨ ə Ŋwìə̀ rə̀zìʼ wi.