Popular Bible Verses from Jònə 15

Share

“Mɨ̀ŋə̌ àtɨ̀ghə mɨ̀ntàamə mɨ mɨ̀lùʼù, nɨ̀ pə mɨ̀fàa. Ŋònə̀ wa nɨ à ghoŋə̀nə mbə taʼà ŋwùə̀ pəə ze la, ǹkɨ ngoŋə̀ mbə taʼà ŋwùə̀ pəə ze, à ghǎ zumə̀ mɨ̀ntàamə mɨ àtɨ̀ghə mɨ̀noʼnə ntiinə à tə pwuə̀ e mɨ̀ŋə̀, nɨ̀ ghɨ̀rə̀ a wɨghə ànwùə̀ àtse apə̀.

Nɨ̀ ghoŋə̀ mbə taʼà ŋwùə̀ pə̀ənə̀. Mbə̀ʼnə ka nɨ̀fàa nɨ àtɨ̀ghə nɨ zumə̀ e mɨ̀ntàamə tsèrə nɨ tsèrə. Tsèrə chyə̂ zumə̀ mɨ̀ntàamə mbə̀ʼə nɨ ghoŋə̀ aŋunə ma àtɨ̀ghə. Nɨ ndwuumə̀ wə̀, mbə̀ʼə nɨ̀ kɨ ndzùmə̀ a wɨghə mɨ̀ntàamə apə̀, ndàŋə̀ e lo nɨ̀ ghoŋə̀ mbə taʼà ŋwùə̀ pə̀ənə̀.

Nɨ̀ tɨ ghoŋə̀ mbə taʼà ŋwùə̀ pə̀ənə̀, àshwəŋnə̀ mə̀ a kɨ ngoŋə̀ amwuə pɨghə, yi àzwuumə̀ àtsùmə̀ za nɨ nɨ̀ pyiitə̀nə, nɨ̌ pə nɨ zèrə.

Ka à lə̀ tsoʼò e pɨghə ntsoʼò mə̀ tsaʼa masàa ɨwɨghə. À lə̀ tsoʼò mɨ̀ŋə̀ ntsoʼò a wɨghə mmə ŋŋâ a wɨghə nɨ àfàʼà lo nɨ̀ lèrə̀ ngə̀ mbìʼnə̀ a nɨ zumə̀ mɨ̀ntàamə; mɨ̀ntàamə nɨ mɨ ghoŋə̀ nɨ nkuŋə̀. Lenəla, Tǎ a ŋâ a wɨghə nɨ àzwuumə̀ àtsùmə̀ nɨ nɨ̀ pyiitə̀nə aŋunə nɨ̀linə̀ ɨ̀tsâ.

Ŋwùə̀ à tə pəla mbî a nɨ̀chyə̂mbyə̂ e ntii ɨ̀swùə e, yi zèrə zə a nèrə̀ la lo à kòŋə̀ e ndàŋə̀ àndànə̀ wa nɨ mbə̀ʼə ŋwùə̀ a kòŋə̀ a ghùtse ŋwùə̀.

À wa ntserə̀ mɨ̀fàa ma aŋunə mɨ̀ŋə̀ nɨ mèrə ma ka zumə̀ e mɨ̀ntàamə ngwaʼà, mmə nshàbə̀ a myə̀ nɨ mèrə ma ndzumə̀ mɨ̀ntàamə njiilo mèrə tsùŋə̀ ndzumə̀ mɨ̀ntàamə mɨ̀noʼnə.

Ntə̌ mə̀ ambo pɨghə ɨ chyə̂ la lo nɨ̀ kòŋə̀ mbɨ̀ŋmə̀ ɨ̀zɨghə tyìʼə̀ tsaʼnə ǹkòŋə̀nə a wɨghə.

Tǎ ɨwəə à wa mbə nɨ àghuʼtə̀ nkwùə̀ nɨ nɨ̀ zumə̀nə mɨ̀ntàamə mɨ̀noʼnə. Nɨ ndwuumə̀ wə̀, nɨ̌ tyiʼə̀ nèrə̀ ɨ̀pɨ̀ŋmə̀ ɨ̀wɨghə lo pɨghə la ɨ̀zùŋə̀ ndzùmə̀ ɨ̀pâ.

Yěsû a chi ndàŋə̀ nɨ mbyə̀ nshwəŋə̀ lo “Mɨ̀ŋə̌ ngotə àtɨ̀ghə mɨ̀ntàamə mɨ mɨ̀lùʼù, Tǎ ɨwəə a pə ŋònə̀ nɨ à wa nnaŋə̀ mɨ̀tɨ̀ghə mèrə mə.

Ŋwùə̀ à tə ka ghoŋə̀ e lo pə taʼà ŋwùə̀ pəə ze, Tǎ ɨwəə a waʼà e la tsaʼa nɨ̀fàa nɨ àtɨ̀ghə nɨ pɨ tserə̀nə. Mbuurə̀ mɨ̀fàa za chyə̂ e pə a nɨ shwatə̀ ntòonə̀ lo mɨ sɨghə̀.

“Ǹshwəŋə̀ a wɨghə nɨ mɨ̀nwùə̀ mə mɨ̀tsùmə̀ la lo nɨ̀ghaʼà mə̀ a pə amwuə pɨghə. Lenəla, nɨ̀ghaʼà ɨwɨghə â lẅenə̀.

Nɨ̀ tə mə ndzuʼnə̀ mɨ̀ntə̌ ɨ̀mâ, yi nɨ̌ ghoŋə̀ amwuə ɨ̀kòŋnə̀ mə̀, tyìʼə̀ tsaʼnə ǹdzuʼnə̀nə mɨ̀ntə̌ mɨ Tǎ ɨwəə nkɨ ngoŋə̀ amwuə ɨ̀kòŋnə̀ e.

Lə̌ ànwùə̀ nɨ ǹtàʼnə lo nɨ̀ ghɨ̀rə̀ la: Nɨ̀ kòŋə̀ mbɨ̀ŋmə̀ ɨ̀zɨghə.

Nɨ̀ tə pə tsaʼa pànə̀ pɨ àtwuə̀ ɨ̀shyə̂, yi pànə̀ pɨ àtwuə̀ ɨ̀shyə̂ kòŋə̀ a wɨghə tsaʼa ɨ̀pobə pə̀ənə̀. La ndə̀ tsoʼò mə a wɨghə nfuukə̀ amwuə pànə̀ pɨ àtwuə̀ ɨ̀shyə̂. Ka pobə chi ndòo a ghobə a wɨghə tsaʼa ɨ̀pobə pə̀ənə̀. La ɨ̀sùmə nɨ ka pobə chi nkòŋə̀ a ghobə a wɨghə la.