Popular Bible Verses from Jònə 14

Share

“M̀myàʼtə̀ a wɨghə nɨ àporə̀porə̀; A àporə̀porə̀ mə̀ nɨ ngwə̀ ŋŋâ ambo pɨghə. Ka m̀mə ŋâ mə̀ la tsaʼnə pànə̀ pɨ àtwuə̀ ɨ̀shyə̂ pa ŋŋâ. Kò nɨ̀ pə nɨ ntòmnə̀ kə̀ nɨ àkẅàrə̀ amwuə mɨ̀ntɨŋmə̀ ɨ̀mɨghə.

Yěsû a kẅùə̀ lo, “Mɨ̀ŋə̌ àlàŋə, mbə nkǔŋə nkuŋə, nkɨ mbə nɨ̀chyə̂mbyə̂. Mbə̀ʼə ŋwùə̀ a tô e ambo Tǎ tɨghu a làŋə̀ ambo mɨ̀ŋə̀ apə̀.

Yěsû à lə̀ shwəŋə̀ ambo ɨ̀zùŋə̀ ndzùmə̀ ɨ̀pe lo, “Kò mɨ̀ntɨŋmə̀ ɨ̀mɨghə kɨ nnə̀ʼnə̀. Nɨ̀ nùŋə̀ mɨ̀ntɨŋmə̀ ɨ̀mɨghə aŋunə Nẅùə̀, nkɨ nnùŋə̀ aŋunə mɨ̀ŋə̀.

La ngàŋə̀ àyèmpə̀ nɨ à pənə Àzhwùə̀ Nẅùə̀ nɨ Tǎ ǎ tsàa aŋunə nɨ̀linə̀ ɨ̀tsâ, ǎ tô nèrə̀ a wɨghə nɨ ɨ̀nwùə̀ ɨ̀tsùmə̀ kɨ kẅuumə̀ a wɨghə nɨ ɨ̀nwùə̀ ɨ̀tsùmə̀ nɨ ndə̀ shwəŋə̀ mə ambo pɨghə.

Ŋònə̀ wa ntsùmə̀ nɨ à zuʼnə ànwùə̀ nɨ ǹshwəŋə̀nə nkɨ mmə ngɨ̀rə̀ a zèrə la ŋònə̀ nɨ à kòŋə̀nə mə̀. Tǎ ɨwəə ǎ kòŋə̀ a ŋwùə̀ ntsùmə̀ nɨ à kòŋə̀nə mə̀, n̂kɨ nkòŋə̀ a ghobə nnèrə̀ ɨ̀pɨ̀ŋmə̀ mə̀ ambo pobə.”

Mbɨ pyiitə̀ a Tǎ a tsàa a wɨghə nɨ ngàŋə̀ àyèmpə̀ ghù nyàanə, nɨ à pɨ pə pɨghə pɨ pobə nkwùə̀ ɨ̀tsùmə̀. Ngàŋə̀ àyèmpə̀ wə̀ la Àzhwùə̀ nkǔŋə nkuŋə nɨ mbə̀ʼə ka pànə̀ pɨ àtwuə̀ ɨ̀shyə̂ kẅiirə̀ e a ye ntiinə ka pobə pə ndzəənə̀ a ghobə a ye, ka kɨ zhyə̂ a ghobə a ye, la nɨ̀ zhyə̂ e ntiinə à wa amwuə pɨghə, nɨ̀ kɨ mbə amwuə ze.

Mbɨ ghɨ̀rə̀ ɨ̀nwùə̀ ɨ̀tsùmə̀ nɨ nɨ̀ pyiitə̀nə aŋunə nɨ̀linə̀ ɨ̀tsâ mbə̀ʼə pànə̀ ghuʼtə̀ a Tǎ ndàŋə̀ a ndzùmə̀ moonə̀ e. Nɨ̀ tə pyiitə̀ ànwùə̀ àtsùmə̀ aŋunə nɨ̀linə̀ ɨ̀tsâ, ǹgɨ̀rə̀ a zèrə.”

Yěsû a chi nshwəŋə̀ lo, “Nɨ̀ tə pəla nkòŋə̀ a mə̀, yi nɨ̌ nùŋə̀ mɨ̀ntə̌ ɨ̀mâ.

Mɨntaŋə mɨ̀noʼnə ma a ndâ Tǎ ɨwəə. A tə mbəla ngoŋə̀ e tɨ pə a lenə yi ka ǹshwəŋə̀ mə̀ ambo pɨghə lo ngwə̀ ndèrə̀ ghə̀ tsùŋə̀ alyiʼə ambo pɨghə.

Ǹtə ghə̀ ntsùŋə̀ yi mbɨ tô lòo a wɨghə mbə̀ʼə nɨ̀ tô nnwuunə̀ a nɨ̀pwùnə mɨ̀ŋə̀, njiilo alyiʼə nɨ m̀bənə ghu nɨ̌ kɨ pə ghu.

Thomas a shwəŋə̀ ambo ze lo, “Ndòʼnə̀mbyə̂, ka pəə zhyə̂ wəə alyiʼə nɨ wə̀ wə̀ ndèrə̀, ntyiʼə̀ mbə zhyə̂ àlàŋə nɨ a za ndèrə̀ alyiʼə ghu la ɨghə?”