Popular Bible Verses from މައްތާ 7

Share

”⁠އެދި ދަންނަވާ! އޭރުން މާތްރަސްކަލާނގެ ތިޔަބައިމީހުންނަށް ދެއްވާނެ. ހޯދަމުން ގެންދޭ! އޭރުން ދައްކަވާނެ. ޓަކިދެމުން ގެންދޭ! އޭރުން ތިޔަބައިމީހުންނަށްޓަކާ ދޮރު ހުޅުއްވާނެ.

އެހެނީ އެދިދަންނަވާ ހުރިހާ އެންމެންނަށް ދެއްވާނެ. ހޯދާ ހުރިހާ އެންމެންނަށް ދައްކަވާނެ. އަދި ޓަކިދޭ ހުރިހާ އެންމެންނަށްޓަކާ ދޮރު ހުޅުއްވާނެ.

”⁠އަހަރެންގެ ބަސްތައް އަޑުއަހައި އެއަށް އަމަލުކޮށް އުޅޭ މީހަކީ ހިލަތަކުގެ މަތީގައި ގެ ބިނާ ކުރިފަދަ ބުއްދިވެރިއެއް.

”⁠ތިޔަބައިމީހުން އެހެން މީހުންނާ މެދު ކަންތައް ކުރަން ވާނީ އެހެން މީހުން ތިޔަބައިމީހުންނާއި މެދު ކަންތައް ކުރަން ތިޔަބައިމީހުން އެދޭ ފަދަ ގޮތެއްގައި. ތައުރާތުއާއި ނަބީބޭކަލުންގެ އެހެނިހެން ލިޔުއްވުންތަކުގެ އަސާސަކީ މިއީ.⁠“

ހަނި ދޮރާށިން ވަދެގެން ދާން ކިތަންމެ ހަންޏަކަސް، އުނދަގުލަކަސް ޙަޔާތާ ދިމާއަށް ދެވޭނީ އެ ދޮރާށިން. އެހެންނަމަވެސް އެދޮރާށި ހޯދާނީ މަދު ބަޔަކު.⁠“

”⁠ހަނި ދޮރާށިން ވަދޭ! އެހެނީ ފުޅާ ދޮރާށިން ވަދެގެން ނަރަކައަށް ދާ މަގުން ދިއުމަށް ވަރަށް ފަސޭހަ. އަދި ގިނަ މީހުން ވަންނަނީ އެފަދަ ދޮރާށިން.

ތިޔަބައިމީހުންނީ ނުބައި ބަޔަކު ކަމުގައި ވިޔަސް ތިޔަބައިމީހުންގެ ދަރިންނަށް ރަނގަޅު ހަދިޔާ ދޭން ދަނޭ. ވީއިރު ތިޔަބައިމީހުންގެ އުޑުގައި ވޮޑިގެންވާ ބައްޕާފުޅުގެ ޙަޟްރަތުން އެދޭ މީހުންނަށް ރަނގަޅު ތަކެތި ކިހާ މިންވަރަކަށް ދެއްވާނެ!⁠“

”⁠އެހެން މީހުންގެ ކުށްތަކަށް ފައިސަލާ ނުކުރޭ. އެހެންނޫނީ ތިޔަބައިމީހުންގެ ކުށްތަކަށް ވެސް ފައިސަލާ ކުރައްވާނެ. މާތް ރަސްކަލާނގެ ތިޔަބައިމީހުންގެ ކަންކަމާއި މެދު ފައިސަލާ ކުރައްވާނީ ތިޔަބައިމީހުން އަނެކުންގެ ކަންކަމާއި މެދު ފައިސަލާ ކުރާ ގޮތަށް. އަދި މާތްރަސްކަލާނގެ ތިޔަބައިމީހުންނާއި މެދު މިނާލައްވާނީ ތިޔަބައިމީހުން އަނެކުންގެ ކަންކަމާއި މެދު މިނި ނާޅިއަކުން.

އަހަރެންގެ ބަސްތައް އަޑުއިވި އެއަށް އަމަލު ނުކުރާ މީހާ އަކީ މަޑު ފަސްގަނޑުގެ މަތީގައި ގެ ބިނާކުރި މީހެއް ފަދަ މޮޔައެއް.

ތިބާގެ އަޚާގެ ލޮލުގައި އޮންނަ ކުނޑިކޮޅެއް ފެނިގެން އެއާމެދު ކަންބޮޑުވާ އިރު ތިބާގެ އަމިއްލަ ލޮލުގައި އޮންނަ ބޮޑު ލަކުޑިބުރިއާ މެދު އަޅާނުލަނީ ކީއްވެ؟ ތިބާގެ ލޮލުގައި ލަކުޑިބުރިއެއް އޮންނަ އިރު ތިބާގެ އަޚާގެ ލޮލުގައި އޮންނަ ކުނޑިކޮޅު ނަގައިދިނުމަށް ތިބާ ތިޔަ ބުނާނީ ކިހިނަކުން؟

”⁠ދޮގު ނަބިއްޔުންނާއި މެދު ސަމާލުވޭ! އެފަދަ މީހުން ތިޔަބައިމީހުންގެ ކައިރިއަށް އަންނާނީ ކަންބަޅިއެއް ފަދައިން މަޑުމައިތިރި ކަމާއެކު. އެކަމަކު އެފަދަ މީހުންނީ ނުރައްކާތެރި ވަލު ހިޔަޅުތަކެއް ފަދަ ބައެއް. އެފަދަ މީހުންގެ އަމަލުތަކުން އެމީހުންނީ ކޮންފަދަ ބައެއްކަން ތިޔަބައިމީހުންނަށް އެނގޭނެ. ކަށިގަސްތަކަކުން މޭބިސްކަދުރެއް އަދި ވައްތީނިއެއް ނުބިނދެވޭނެ.

ރަނގަޅު ގަހެއްގައި އަޅާނީ ރަނގަޅު މޭވާ. ނުބައި ގަހެއްގައި އަޅާނީ ނުބައި މޭވާ.

ރަނގަޅު ގަހަކުން ނުބައި މޭވާއެއް ނާޅާނެ. އަދި ނުބައި ގަހަކުން ރަނގަޅު މޭވާއެއް ވެސް ނާޅާނެ.

ރަނގަޅު މޭވާ ނާޅާ ކޮންމެ ގަހެއް ނަމަ ޖެހޭނީ ކަނޑާލައި އަލިފާނުގެ ތެރެއަށް އެއްލާލަން.