Popular Bible Verses from San Mateo 27

Share

Y te' menu-jamaše'ŋoyj maya'aŋ weju Jesús, y nʌmu: Elí, Elí, ¿lama sabactani? Nʌte' inʌc ñʌmu: Tata Dios, Tata Dios, ¿tiyajca'mʌjyʌ' ndzacjambʌ'u?

Pijche'ctij cuctaŋu desde cʌsmʌ hasta cʌ'mʌ te' templo'ojmopʌ pama-aŋgʌyʌ. Y cʌtʌjcu mi'cscʌ', y weñaju pamdza'ta'm. Y aŋwajyaju te' ca'uwʌ tza'tʌcta'm, y winsa'yaju wʌwʌ wʌ'aŋja'moyeta'm ca'yajupʌ inʌc.

Pero Jesús wejqui'mwʌtzʌjcu y chi'oquia'u te' 'yespiritu Dioscʌsi, y ca'u.

Y nʌ inʌc quioqueñaju Jesús te' capita'ŋis y ñe'cʌji'ŋ inʌc ijtyajupʌ's. Aŋjamyaju te' mi'cscʌ' y quieñaju tiyʌta'm tuquiaju, y jene na'chaju. Y nʌmyaju: Wiyuŋšej yʌ' pʌn Diojsisyʌ' 'Yune.

Paŋguc-jamaše'ŋoyj pi'tzanʌmu naswindumʌ. Y menu-jamaše'ŋoyj minu šʌ'ŋbʌ'nʌmu.

Pilato's ñʌjayaju: Y yʌ' Jesús, ñʌjayajpapʌ Cristo, ¿tiya'mʌs jeque nʌtzʌcpa? Y aŋdzoŋyaju myuma'ŋgʌ'y: Yajma'mʌtʌ cruzcʌsi. Y te' gobernado'ris ñʌjayaju: ¿Tiyʌ yacha'cu'ya jeque chʌjcu? Pero ñe'cʌta'm más wejqui'mwʌtzʌquiaju: Yajma'mʌtʌ cruzcʌsi.